Ukrayina istihbaratınıñ Baş idaresi işğal etilgen Qırımdaki arbiy obyektlerge yapılğan uçaqsız uçaq aletlerinen ücümlerini tasdıqladı. Hususan, S-400 "Triumf" S-400 AMV kompleksiniñ müim qısımları yoq etildi.
Ukrayina Mudafaa nazirliginiñ Baş istihbarat idaresi mütenasip videonı derc etti.
"Ukrayina Mudafaa nazirliginiñ "Prımarı" mahsus bölüginiñ dronları vaqtınca işğal etilgen Qırımda Rusiyeniñ ava mudafaasını zayıflatmağa devam ete. Video — S-400 "Triumf" AMV sistemasınıñ kritik qısımları boyunca arbiy işniñ kadrlarıdır", — dep aytıla haberde.
Ukraiyna Mudafaa nazirliginiñ malümatına köre, ukrayin uçucısız uçaq aletşeri eki 92N2E çoq vazifeli idare etüv RLS, eki 91N6E tapma RLS; S-400 kompleksiniñ uçuruv qurulışını urdılar. Bİİniñ añlatqanına köre, bu radarlarnıñ yoq etilmesi zenit komplekslerini yaramay etip, AMVnı "kör" yapa.
S-400 "Triumf" — Rusiyeniñ ava mudafaası sistemasıdır, uçaq, raketa ve dronlarnı urıp tüşüre bile. Onıñ fiyatı Rusiye Federatsiyası içün tahminen 200-300 million dollar (tahminen 8-12 milliard ğrıvnâ) ve ihracat içün 1,3 milliard dollar (tahminen 53,7 milliard ğrıvnâ) teşkil ete.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
