Bozarğan aynıñ 6-nda Kıyivde esas musulman bayramlarından biri olıp, acılıqnıñ soñunı qayd etken Qurban bayramı qayd etilecek. Bu sene Qırım musulmanları diniy idaresi, Qırımtatar Milliy Meclisi ve ortaqları bayram müitine kirmek içün büyük bir programma azırladılar.
Meclis Facebook saifesinde bunı bildirdi.
"(Bayram — muar.) Qırımda evelden qayd etilgen kibi azırlanıla: kollektiv saba namazınen, bayram ziyafetinen, balalar içün bahşışlarnen, tatlılıqlar yarmalığı ve ustalarnıñ eserleri, bala eglenceleri ve ustalar dersleri, sergi ve ananeviy Kureş", — dep aytıla haberde.
Bozarğan aynıñ 6-nda saba saat 8:00-da Nıvkıdaki camide cemaat namazınen başlanacaq. O, Beresteyska caddesinde, 67/1 (Galagaivska soqağından kiriş) yerleşe. Bundan soñ musafirlerni quvançlı programma bekley.
Qırımtatarlarnıñ Qurban Bayramı medeniyeti aqqında daa çoq bilmek istegenler içün lektsiya ve ekskursiya keçirilecek.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
