Berim ayınıñ 22-sinde işğal etilgen Aqyarda ukrain askerleri tarafından Qaradeñiz flotunıñ (RF QD flotunıñ) ştabına ücüm yapılğan raketalarnıñ adı, müim olmay. Birinciden ruslar, qıyın taqdirni almağa razı olacaq flotnıñ yañı komandanını saylamalılar.
"Strategiya 21" Globalleştirüv merkeziniñ telükesizlik programmalarınıñ reberi Pavlo Lakiyçuk, Suspilne Qırımğa bu aqqında haber berdi.
O bildirdi ki, raketanıñ ştabğa irişmesini qayd etken video ve fotosüretlerge köre bu ya SCALP, ya da Storm Shadow.
"Bu, kerçekten de, orta bit frenk-britaniya çalışmasıdır. Olarnıñ malzemeleri farqlanalar, amma bünyesi aynıdır", — dep mütehassıs añlattı.
Lakiyçuk qayd etti ki, ştabğa qaysı raketanıñ ücüm yapmasınıñ farqı yoq.
"Kim bahtlı ola bilir — britaniyalılarmı, frenklermi ve kimge Lavrov (Rusiye tış işleri naziri Serhiy Lavrov — müar.) iddia bilderecek. Eger bu, ruslar içün müim olsa, bu başqa bir laf olur. Sokolovnı (Mahsus operatsiya quvetleriniñ bilgilerine köre, Aqyardaki ştabğa ücüm vaqtında ölgen RF QD flotunıñ komandanı — müar.) deñiştirmek içün yañı bir insannı qıdırsıñlar. Çünki men tüşünem ki, Qaradeñiz flotunıñ komandanı olmağa kim razı olacaq. Qalğan ayat devamında Cenübiy körfez yanındaki nasıldır bir yerde sığınakta oturmaq, ya Putinniñ seni atacağını, ya da Gaagada seni asıp öldüreceklerini beklemek", — dep añlattı o.
Aynı zamanda mütehassıs emindir ki, bu "Neptun" raketaları degil.
Aqyardaki RF QD flotunıñ ştabına raketa ücümi aqqında ne bilemiz
- Berim ayınıñ 22-sinde Aqyarda bir qaç şiddetli patlama duyuldı. İşğal akimiyeti, Rusiye Qaradeñiz flotunıñ ştabına raketa ücümi aqqında haber berdi. Bundan evel işğal etilgen yarımadanıñ sakinleri, Suspilnege Qrımnıñ farqlı yerlerinde bir qaç patlama aqqında haber berdiler.
- Bundan soñ RF Mudafaa nazirligi bildirdi ki, Aqyarğa ücüm vaqtında Ava mudafaası sisteması, beş raketanı tüşürdi. Aqyarğa raketa irişip patlanğan soñ ava telükesi ilân etildi ve şeerniñ merkezi bloklandı. Birazda USQniñ StratKom, RF Qaradeñiz flotunıñ komandan ştabına ücümni tasdıqladı.
- Ukraina Arbiy Ava Quvetleriniñ malümatına atıf eterek, Sky News haber berdi ki, Büyük Britaniyanıñ bergeni Storm Shadow uzaq raketaları vastasınen ücüm yapıldı.
- Rusiye Qaradeñiz flotunıñ Aqyardaki ştabına raketa ücümi neticesinde 34 rus zambiti, şu cümleden RF QD flotunıñ komandanı olğan Viktor Sokolov öldi. büyük desant gemisi "Minsk" bozulğanı içün işğalciler, taqımınıñ 62 azasını coydılar, dep USQniñ Mahsus operatsiya quvetleri haber berdiler.
- USQniñ ADQniñ nutuqçısı Dmıtro Pletençuk bildirdil ki, RF Qaradeñiz flotunıñ ştabına ukrain raketa ücüminden soñ ruslarnıñ Qara deñizdeki ordusını idare etüvnen bağlı meseleleri olacaq.
Telegram, Viber ve Facebookta Suspilne Qırım haberlerine abune oluñız
