Berim ayınıñ 22-siniñ künü işğal etilgen Aqyarda bir qaç şiddetli patlama duyuldı. İşğal akimiyeti, Rusiye Qaradeñiz flotuna raketa ücümi aqqında haber berdi. Keçkende işğal etilgen yarımadanıñ sakinleri, Suspilnege Qırımnıñ bir qaç yerlerinde duyulğan patlamalar aqqında haber berdiler.
Öz Telegram kanalında şeerniñ böyle degen gubernatorı Mıhaylo Razvojayev, Aqyardaki patlamalar aqqında yazdı.
"Duşman, flotnıñ ştabına raketa ücümini yaptı. Lunaçarskıy teatrı yanında parça tüşti", — dep bildirildi.
Bundan ğayrı, o qayd etti ki, daa bir ücüm ola bilir.
"Şeerniñ merkezine ketmemege rica etem. Binalardan çıqmañız. Flotnıñ ştabı yanında olğan er kes, ava telükesi sesini duyar duymaz, sığınaqlarğa ketsiñ", — Razvojayev yazdı.
Yerli sakin de, Suspilne Qırımğa Aqyardaki patlamalarnıñ olğanını tasdıqladı.
"Qırımnıñ işğal başı" Serhiy Aksönov, ava mudafaası quvetleriniñ raketalarnı tüşürgenlerini bildirdi.
"Qırım Cumhuriyeti üzerinde Ava mudafaası sisteması, raketalarnı tüşürdi. Sakin oluñız ve tek resmiy malümat menabalarına inanıñız", — öz Telegram kanalında yazdı o.
Yerli Telegram kanalları, RFnıñ QFnıñ Aqyardaki ştabına ücümniñ neticelerini yayınlaylar.
Aqyarda raketa telüke sesi duyula, dep RIA "Novosti Qırım" haber berdi.
"Şimdi şeerde ava telüke sesi duyuka. İşte bizni sığınaqqa ketireler", — yerli sakin, Suspilne Qırımğa tasdıqladı.
Aqyar körfezi üzerinde tuman bar. Künde ekinci kere Keçir köpründeki areket toqtatıldı. Bundan ğayrı, şeerde deñiz yoldaş naqliyatı toqtatıldı.
RF Mudafaa nazirligi bildirdi ki, Aqyarğa ücüm vaqtında Ava mudafaası sisteması, beş raketini tüşürdi.
"Raketa ücümi vaqtında ava mudafaası sisteması, beş raketanı tüşürdi. Ücüm neticesinde Qaradeñiz flotunıñ tarihıy binası bozuldı. Mevcut malümatqa köre, bir asker ölgen", — dep bildirildi.
USQniñ Ava quvetleriniñ komandanı MIkola Oleşçuk öz Telegram kanalında içtimaiy ağlarnıñ yayınlağanları şeerge ücümniñ neticelerinen bir videonun paylaştı ve bunı yazıdı: "Kelecekte bir şeyniñ olacağını" söz berdik".
Bundan evel Qırımdaki patlamalar, Saq şeerindeki uçaq limanı rayonında ve Aqmescit etrafındaki Sarabuzda, yarımadanıñ şimaliy-ğarbında Aqşeyh yanında duyuldı.
İşğal etilgen Qırımdaki soñ patlamalar aqqında ne bilemiz
- Berim ayınıñ 21-inde Aqyarnıñ farqlı rayonlarında patlamalar duyuldı. İşğal akimiyeti, Duvanköy ve Kaça rayonında uçucısız altelerni tüşürgenini bildirdi. Şeerniñ böyle degen "gubernator"ı Mıhaylo Razvojayev, ava mudafaası sistemasınıñ Aqyarğa raketa ücümini yoq etkenini de bildirdi.
- Yerli kanallarnıñ bilgilerine köre, Duvanköydeki arbiy qısım yanında yanğıç çıqqan. USQ, RFnıñ Qaradeñiz flotunıñ işğal etilgen Aqyar yanındaki Duvanköyde yerleşken komandan noqtasına muvafaqiyetli ücümini tasdıqladılar. Birazdan ise ücümniñ neticeleriniñ yoldaş fotoresimleri yayınlandı.
- Berim ayınıñ 21-inde Ukraina Mudafaa quvetleri, işğal etilgen Qırımdaki Saq şeeri yanında yerleşken rus ordusınıñ arbiy uçaq limanına kombintsiyalı ücümni yaptılar.
- Berim ayınıñ 21-iniñ gecesi bir qaç uçucısız aletler gruppası tarafından Qırım ücüm etildi. Kezlev, Aqmescit, Aqyar, Saq, Novofedorivka ve başqa meskün yerlerniñ sakinleri, patlamalar aqqında haber berdiler. Rus ordusınıñ ava mudafaası sisteması, 19 uçucısız aletni mahv ete bildi.
- Berim ayınıñ 13-ünde RF Mudafaa nazirligi bildirdi ki, qanatlı raketalarınıñ ücümi neticesinde Aqyar deñiz zavodında tamir etilgen eki gemi bozuldı.
- "Minsk" desant gemisi ve "Rostov-na-Donu" adlı suv astındaki gemi bozuldı.
- Ukraina mahsus operatsiyalar quvetleri bildirdiler ki, ukrain askerleri tanımınıñ ruslarnıñ arqa cebesine kirmeleri ve ateşlerni idare etmeleri yardımınen Aqyardaki gemilerin tamir etüv zavodına raketa ücümi oldı. MOQ, maqbul operatsiyanı nasıl keçirgenlerini añlattılar.
Telegram, Viber ve Facebookta Suspilne Qırım haberlerine abune oluñız
