Çiçek ayınıñ 17-nde Rusiye Yuqarı mahkemesi beş Qırımtatar — Akim Bekirov, Asan Yanikov, Eskender Süleymanov, Rustem Seithalilov ve Seitveli Seitabdiyevniñ kassatsiya şikâyetini red etti. Böylece olarnıñ ükümleri tasdıqlandı.
"Qırım birdemligi", taqiqat ve mahkeme esnasınıñ er basamağında bir sıra bozuvlar qayd etilgenini bildirgen adliyeci Rustem Kâmilevnıñ malümatına esaslanıp bunı bildirdi.
Oturış devamında eki sual berildi.
"Süleymanov İskender mahkeme oturışı devamında, sorav ve sorğu vaqtında yalan aytqan gizli şaatlarnı tekrar sorğuğa çekmesini istedi. Mahkeme bu sualni de qanaatlendirmeden qaldırdı", — dedi Kâmilev.
Asan Yanikov birinci ve istinaf mahkemeleriniñ oturışlarınıñ audio protokollarını bermege rica etti. Mahkeme bu muracaatnı da red etti.
Нагадаємо, усі ув’язнені відбувають покарання у справі про участь у "Хізб ут-Тахрір". Акім Бекіров, Рустем Сейтхалілов і Сейтвелі Сейтабдієв засуджені до 14 років ув’язнення, Асан Яніков та Ескендер Сулейманов — до 15 років.
Hatırlatamız ki, mabüslerniñ episi "Hizb ut-Tahrir" davasında qabaatlana. Akim Bekirov, Rustem Seithalilov ve Seitveli Seitabdiyev 14 yılğa, Asan Yanikov ve Eskender Süleymanov 15 yılğa apis cezasına mahküm etildi.
Hizb ut-Tahrir, islâm siyasiy fırqasıdır. 2003 senesi Rusiyede o, terrorcı bir teşkilât olaraq tanındı, oña bağlı olğan insanlarnı ise taqip etmege başladılar. İştirakçileri, "qanunlarğa qarşı faaliyet"te ve böyle degen "cian hilâfeti"ni yaratmağa ıntılmağa qabaatlanalar. 2014 senesi Qırım işğal etilgen soñ işğalcilerniñ qanunları zapt etilgen Qırımda da qullanılmağa başlandı. Qırımlı musulmanlarnı da Hizb ut-Tahrirge bağlı olmaqta qabaatlamağa başladılar, böylece yarımadanıñ işğaline qarşı olğanı sebebinden Qırımtatarlarğa basım arttı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
