İşğalciler Keriç köprüne kirgende nezaret noqtalarınıñ sayısını arttırmağa planlaştıralar. Olarnı yaz mevsimine qadar açmağa planlaştıralar.
Qırımnıñ işğalli yolbaşçısı Sergey Aksönov TASS agentligine bergen intervyusında bunı ayttı.
Onıñ aytqanına köre, bu, turistik mevsimde yolcularnıñ sayısı artqanınen bağlı.
2025 senesi qara qış ayında Keriç köprüne kirgende pasport nezareti kirsetildi. "Qırım naqliyat naziriniñ muavini" Aleksandr Ovdiyenkonıñ añlatqanına köre, Vladimir Putinniñ Qırım ve Krasnodar ülkesinde reaktsiya seviyesiniñ arttırılması aqqında fermanı esasında terrorizmge qarşı tedbirler aqqında söz yürsetile.
Hatırlatamız ki, "The Guardian" neşirine bergen intervyusında Ukraina arbiy deñiz quvetleriniñ komandanı Oleksiy Neyjpapa, Ukraina Keriç köprüne üçünci kere ücüm ete bile, dep bildirdi. Bu mesele, onıñ aytqanına köre, Arbiy-deñiz quvetlerinde muzakere etile. Evelki eki patlav yol ve demiryol qurulışlarına zarar ketirdi.
2022 senesi orta küz ayınıñ 8-nde Keriç köprüne muvafaqiyetli ücüm etildi, o vaqıt eki avtomobil qısmı qısmen viran etildi. 2023 senesi oraq ayınıñ 7-nde daa bir qısmı yoq etildi, biri bozuldı.
Telegram, WhatsApp ve Facebookta Suspilne Qırım haberlerine abune oluñız
