Ukraina, Keriç köpürini üçünci sefer ura bile. Bu meseleni USQ-niñ ADQ-de muzakere eteler. Evelki eki uruşı yol ve demiryol inşaatını bozdı.
Bunıñ aqqında "The Guardian" intervyüsinde USQ-niñ ADQ başı Neyijpapa tarif etken.
"Vitseadmiral, Kıyiv, Qırımnen öz territoriyalarnıñ birleştirüvi içün Rusiyenen qurulğan Keriç köpürini viran ete bilgenine dair optimizmni bildirgen. Evelki eki uruşı, yol ve demiryol inşaatını bozdılar. Rusiye arbiyleri demiryol köpürinden büyük ağırlı yük maşnalarını alıp keçirip olamay ediler. Rusiyeliler üçünci ameliyatını faal sürette muzakere etkenimizni añlaylar. "Alla üç kerelikni seve", – dedi o, külip", – denile beyanatta.
Rusiyeliler ilân etüvine cevap berdiler. Qırım işğal Devlet şurasınıñ baş muavini Serğiy Tsekov RİA "Novosti Krım" tefsirinde olar ücümlerge cevap bermege azır olğanlarını aytqan. Onıñ sözlerine köre, USQ-niñ ekinci uruşından soñ köpürini eki kere raketalar ile urmağa tırışqan ediler, amma muvafaqiyetsiz.
Hatırlatayıq ki, USQ, Keriç köpürni 2022 senesi orta küz aynıñ 8 ücüm ettiler – o vaqıt avtomobil yolları qısmen bozulğan ediler. 2023 senesi oraq aynıñ 17 bir sektsiyasını yoq ettiler, daa biri bozulğan.
Keriç köpürinde patlavlar aqqında belli olğanı
2022 senesi orta küz aynıñ 8 saba vaqtında vaqtınca işğal etilgen Qırımnı Rusiyenen birleştirgen Keriç köpürinde yanğın olğan. Eki avtomobil yolu qısmen viran etilgen edi.
Silâmı, uquqşınaslıqmı: Keriç bozağından qanunsız köpürni nasıl yoq etmek mümkün? Ekspertlerniñ fikirini Suspilne Qırımnıñ malümatında oquñız
Soñra UTH-niñ başı Vasıl Malük, mahsus ameliyatınıñ tafsilâtlarnı tarif etken. Onıñ sözlerine köre, mahsus hızmeti, köpüriniñ patlav ğayesini daa 2022 senesi baarden azırlay edi, bütün vaqıt içinde farqlı variantlarnı baqqan ediler.
2023 senesi oraq aynıñ 17 gece içinde Keriç köpürde patlavlar eşitilgen. Bir sektsiyası viran etilgen, daa biri – bozulğan. Belğorod gubernatorı Ğladkov, köpürde erkek ve vilâyetteki qadınnıñ elâk oluvı aqqında bildirdi.
Bir sene eve UHHniñ Sea Baby deñiz dronları Qırım köprüne ücüm ettiler: nasıl oldı ve ücümniñ aqibetlerini Suspilne Qırımğa UTH ve arbiy ekspertleri tarif ettiler.
Uquq qoruyıcı organlarında Suspilne Qırımğa Keriç köpürindeki ücümi – UTH ve ADQ-niñ mahsus amelâitı dep haber ettiler. Anda Keriç köpürinde "bavovna" teşkilâtına dair bütün tafsilâtlarnı "Ğalebeden soñ açacaqlarını" bildirdiler.
Telegram, WhatsApp ve Facebookta Suspilne Qırım haberlerine abune oluñız
