Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adteki) işğalli makeme bugün, kiçik aynıñ 6-nda, Rusiye Federal havfsızlıq hızmeti (FSB) tarafından yaqalanğan eki qırımtatarğa qorçalayıcı tedbirni saylamağa planlaştıra.
"Qırım birdemligi" bu aqqında haber etti.
Qayd etildi ki, işğal etilgen Kıyiv rayon makemesinde Bahtiyar Ablayev ve Mirzaali Tacıbayev içün qorçalayıcı tedbir saylanacaq.
Soñra Rusiyeniñ "RİA Novosti Krım" neşiri, adamlar 60 künge apiske alındı, dep bildirdi.
Qırımda qırımtatarlarnıñ qıdıruvı ve tutulması aqqında ne bilemiz
Kiçik aynıñ 5-nde saba Qırımnıñ Canköy rayonında Rusiye FSBsiniñ hadimleri qırımtatarlarnıñ evlerini kütleviy şekilde tinttiler.
Tintüvlerden soñ Rusiye quvetçileri Emir Kurtnezerov, Abibulla Smedlâyev, Rustem Mustafayev, Mirzaali Tacıbayev ve Bahtiyar Ablayevni tuttılar. Tutulğanlarnıñ episi Simferopolğa (Aqmescitke) alıp ketirildi.
Kiçik aynıñ 5-nde işğalli makeme Emir Kurtnezirov, Rustem Mustafayev ve Abibulla Smedlâyevge 60 künge nezaret altında qorçalayıcı tedbirni sayladı.
Tutulğanlarnıñ imayesini advokatlar Edem Semedlâyev, Emil Kurbedinov, Safiye Şabanova, Marlen Halikov yapalar.
Telegram, WhatsApp ve Facebookta Suspilne Qırım haberlerine abune oluñız
