İşğal etilgen Qırımda Federal havfsızlıq hızmetiniñ hadimleri qırımtatarlarnı yaqaladılar, şu cümleden: Emir Kurtnezerov, Abibulla Smedlâyev, Rustem Mustafayev ve Mirzali Tacıbayev. Şimdi olarnı Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adteki) FSB işğal idaresine alıp keteler.
Bunı uquq qorçalayıcı ve jurnalist Lütfiye Zudiyeva Suspilne Qırımğa tasdıqladı.
Onıñ aytqanına köre, tintüvler saba saat üçte (Kıyiv vaqtınen) başlandı.
"Lobanove köyüniñ sakini Emir Kurtnezirov, müddetsiz saqatlığı sebebinden ev apsinde buluna — davanı Rostov-na-Donu şeerindeki Cenübiy bölgeniñ arbiy makemesinde makemeciler kollegiyası baqa. Abibulla Smedlâyev Novokrımske köyünden, dört çağına yetmegen balanıñ babasıdır", — dep Lütfiye Zudiyeva Facebookta yazdı.
Üç tintüv Canköy rayonında, biri — Qırımnıñ Kefede (Kirov) rayonında keçirildi.
Emir Kurtnezirovnıñ ömür arqadaşı Safiye Yakubova "Qırım birdemligi"ne aytqanı kibi, quvetçiler saba saat üçte tintüvnen keldiler.
"Aqayım qapını açmağa qaçtı, ve birden onı yerge yatqızdılar. "Elleriñni sırtıñda tut" dediler. Telefonlarımıznı birden soradılar. Soñra kiyinmege izin berdiler ve yasaq etilgen kitaplar, aletler, vesiqalarnı soradılar. Odanıñ içinden keçmege başladılar. "Halifelik" ve "Al Vay" adlı eki kitap qoyuldı. Başta qaba şekilde muracaat ete ediler, soñra ise bayağı qonuştılar. Vesiqalarnı imzalamağa rica ettiler. Bir şey imzalamadıq. "Eger sen imzalasañ, belki de, ceza müddetini beş yıldan sekiz yılğa qadar qısqartırmız", — dep Safiye Yakubova ayttı.
Yaqalanğannıñ tatası Emine İslâmova, bu aile azalarında birinci tintüv degil, keçken sene saban ayınıñ 5-nde babası yaqalandı, şimdi o ev apsinde buluna, dep ayttı.
Abibulli Smedlâyevge FSB vekilleri kitaplarnı da attılar, dep "Qırım birdemligi" neşirine yaqalanğannıñ apayı Liniza Smedlâyeva bildirdi.
"Birden divanda eki kitapçıq peyda oldı — evde olmağan acayip kitaplar. Aqayım ve men evimizdeki er şeyni bilemiz, er eşyanı bilemiz. Bu bizim içün acayip edi — bu kitaplar bizde yoq edi", — dedi o.
Liniza Smedlâyevanıñ aytqanına köre, quvetçiler de saba saat üçte tintüvni başladılar, qoranı keçip, fenerler yaqtılar, pencerelerni qaqtılar.
Rustem Mustafayevge tintüvler vaqtında üç kitap qoyuldı, dep bildirdi "Qırım birdemligi" neşirine onıñ ömür arqadaşı Şefika Mustafayeva. Qorantanıñ evine quvetçiler kiriş qapusını qırıp kirdiler.
"Bizge belli olmağan üç kitapnı çıqardılar. Aqayımnıñ parmaq izleri yoq. Bu kitaplar qayerden kelgenini bilmeymiz, amma, ğaliba, olarnı atıp tüşürdiler. Soñra başqa odalarğa barıp, tintüvler keçirdiler, amma men kördim ki, mında olar daa çoq böyle baqqanlar, çünki kitaplarnı endi tapqanlar kibi körüne ediler, — dep tarif etti Şefika Mustafayeva.
UPD: Lütfiye Zudiyeva Suspilne Qırımğa Canköy rayonınıñ Kovılne (Toy TöbeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) köyü sakini Bahtiyar Ablayevni tutqanlarını bildirdi.
UPD_1 Tutulğanlarnıñ soy-soplarınıñ "Qırım birdemligi"ne bildirgenlerine köre, tintüvler vaqtında FSB hadimleri evlerge edebiyat qoyğanlar.
"Birden divanda eki kitapçıq peyda oldı — evde olmağan acayip kitapçıqlar. Aqayım ve men evimizdeki er şeyni bilemiz, er eşyanı bilemiz. Bu bizim içün acayip bir şey edi — bu kitaplar bizde yoq edi", — dedi Abibulâ Smedlâyevniñ ömür arqadaşı Liniza Smedlâyeva.
UPD_2 Gülnara, Mirzaali Tacıbayevniñ ömür arqadaşınıñ, "Qırım birdemligine" bergen izaatında, FSB aqayını yasaq etilgen edebiyatnı tarqatqanında qabaatladı, dep bildirdi. Aynı zamanda "Novosti Krıma" RİA agentligi, yarımadada FSB Hizb ut-Tahrirniñ merkezini taptı, dep yazdı.
UPD_3 Suspilne Qırımğa jurnalist ve uquq qorçalayıcı Lütfiye Zudiyevanıñ añlatqanı kibi, üç mabüsniñ qorçalayıcı tedbirini bugün Simferopolnıñ (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adniñ) Kıyiv rayon makemesi qarar etecek. Saat 14:00 (Kıyiv vaqtına köre) Emir Kurtnezirov; saat 14:30 — Rustem Mustafayev; Saat 15:00 — Abibulla Smedlâyev.
Telegram, WhatsApp ve Facebookta Suspilne Qırım haberlerine abune oluñız
