"Hizb ut-Tahrir davası"nıñ ekinci Bağçasaray gruppasınıñ mabüsi Ali (Oleğ) Fedorovnı Sarapulnıñ 5-nci tüzetüv müstemlekesinden (TM) Rusiyeniñ Udmurt vilâyetindeki Hohrâkı köyündeki 8-inci tüzetüv müstemlekesine avuştırdılar. Qırımtatar, ceza izolâtorına (ŞİZO) yerleştirildi. Bundan evel ŞİZOda tutulğan adamnıñ apis müddeti dört kere uzatıldı.
"Qırım birdemligi" cemaat teşkilâtına onıñ ömür arqadaşı İrına Fedorova aqayınıñ mektübine esaslanıp bildirdi.
Qırım siyasiy mabüsi yañı müstemlekege eski müstemleke dağılğanı sebebinden avuştırıldı. Aynı zamanda yañı müstemlekedr ŞİZOda bulunmaq qararı alâ daa bar, şunıñ içün onı anda yerleşken soñ anda yolladılar. Bu qarar "kiçik ayınıñ soñuna qadar", dep yazdı adam.
"Oleğniñ yazğanına köre, şarait Sarapulda olğanı kibi. Öz-özüni nasıl is etkenini aytmay", — dep Fedorova qayd etti.
"Qırım birdemligi"niñ malümatına köre, Ali (Oleğ) Fedorov Bağçasaraydan kele. Apiske alınğanına qadar iş adamı ve Ramazan ayında iftaralarnıñ idarecisi edi.
O, siyasiy sebeplernen bağlı davalarnı baqqan, qırımtatar siyasiy mabüslerine qol tutuv malümat kampaniyasında iştirak etken, siyasiy mabüslerniñ qorantalarına maddiy yardım köstergen edi.
Fedorov 2021 senesi kiçik aynıñ 17-nde kütleviy tintüvler vaqtında tutuldı. 2022 senesi oraq ayınıñ 8-nde Cenübiy bölgeniñ arbiy makemesi onı 13 yılğa apiske aldı.
2023 senesi berimniñ 16-nda siyasiy mabüs Novoçerkassk SİZOdan Rusiye Federatsiyasınıñ Lipetsk vilâyetiniñ Yelts apishanesine etap etildi.
Hizb ut-Tahrir, islâm siyasiy fırqasıdır. 2003 senesi Rusiyede o, terrorcı bir teşkilât olaraq tanındı, oña bağlı olğan insanlarnı ise taqip etmege başladılar. İştirakçileri, "qanunlarğa qarşı faaliyet"te ve böyle degen "cian hilâfeti"ni yaratmağa ıntılmağa qabaatlanalar. 2014 senesi Qırım işğal etilgen soñ işğalcilerniñ qanunları zapt etilgen Qırımda da qullanılmağa başlandı. Qırımlı musulmanlarnı da Hizb ut-Tahrirge bağlı olmaqta qabaatlamağa başladılar, böylece yarımadanıñ işğaline qarşı olğanı sebebinden qırımtatarlarğa basım arttı.
Telegram, WhatsApp ve Facebookta Suspilne Qırım haberlerine abune oluñız
