Qırımdan ukrain ses prodüseri İhor Kırılenko Jerry Heil, Wellboy, O.Torvald taqımınen işbirlik yapa. Şimdi tek ukrain tilinde laf ete ve Keriçte ruslaştırılğan balalığı aqqında çoq ayta.
İhor Suspilne Qırımğa, işğal altındaki insanlar içün muzıka kurslarını nasıl teşkil etkeni ve yarımada aqqında yañı yır aqqında tarif etti.
Onıñ muzıka yolunı altıncı sınıfta qızlarnı tesir etmek isteginen başladı. O, ana Keriçte oquy edi. O vaqıt onı başqalardan qayd etken şey — rus tilli müit arasında ayırılıp turğan ukrain yırları edi.
"Ukrainalı olğanımnı bilmey edim. Menim içün Vakarçuknıñ buzdolapta yırlağanı añlaşıla edi — bu pek yahşı. Skrıpka, baar aqqında da güzel bir şey. Ve ukrain tilinde "The Simpsons" — bu da pek yahşı. İçimde öyle bir şey bar edi ki, bu pek yahşı edi. Bu tek şarovarlar, gutsullar ve er türlü ikâyeler degil", - dep İhor tarif etti.
İhorğa özüni ukrain olaraq tanımaq içün on yıldan çoq vaqıt kerek oldı. Onıñ fikirince, medeniyet — deñişüvniñ eñ küçlü aletidir.
"İnsan deñişmege istemey, onı zorlamaycaqsıñ. Amma o resim, muzıka, dj setini ya da gitara çalğanını, trombonda çalğanını seve bile. Onıñ içün o, siziñ de qıymetleriñizni paylaşmağa başlaycaq. Biz medeniyetnen çalışamız, ve bu teşviqattan nisbeten daa küçlüdir", — dey o.
İhor, beraber çalışqanı artistlerniñ fotoresimlerini köstere. Olarnıñ arasında Wellboy, O.Torvald taqımı ve atta Ukrainanıñ üçünci prezidenti Viktor Yuşçenko bar.
"Men muzıka yapam, çünki bu meni quvandıra. Menim içün eñ müim şey — sevgen işimnen oğraşmaqtır. Men bütün ömrüm devamında bunı arzu ete edim. Amma bu er şey birden olacaq demek degil. Çoqusı allarda aynı bir qapını qaqıp turmaq kerek edi", — dep İhor tarif etti.
Tolu miqyaslı istilâ başlağan soñ İhor, vaqtınca işğal etilgen topraqlarnıñ sakinleri içün onlayn muzıka kurslarını keçire edi. O, 50-den çoq ders keçirdi, amma şimdi bu telükeli oldı.
"Soñki vaqıtları Sarı şeritnen kurslar yaratmağa tüşünemiz, amma bunı yapmaq içün telükesiz bir yol yoq. İşğal vaqtında ukrain tilinde laf etseñ, sen artıq duşmansıñ", — dep o añlattı.
İhor çetel artistlernen de çalışa, amma yırlarında vaqtınca işğal etilgen topraqlar mevzusını aydınlatmağa tırışa. Keçenlerde o, Wellboy içün "А десь у Криму" ("Bir yerde Qırımda") adlı Qırım yırını yazıp bitirdi.
"Qırımdan olıp, bunı nasıl yapqanımnı bilmeyim, ve Anton Qırım aqqında yazdı. Biz demo yapıp, yırnı azırladıq. Şimdi onı diñlemek mümkün, dep prodüser aytı.
İhor endi mavı-sarı bayraq altındaki Qırımğa qaytmağa arzu ete.
"Menim evim mında, amma qaytmağa isteyim. Anamnı körmege, babamnıñ mezarını ziyaret etmege. Amma men bu vaqianı öz tarzımda tasavvur etem: qırmızı 'deep state' kibi degil de, yarıq, beyaz bir şey kibi", — dep o ayttı.
Telegram, WhatsApp ve Facebookta Suspilne Qırım haberlerine abune oluñız
