17 yılğa üküm etilgen saqatlı Qırım siyasiy mabüsi, "Hizb ut-Tahrir davası"nıñ dörtünci Bağçasaray gruppasınıñ mabüsi Oleksandr Sizikov Volgogradnıñ tüzetüv müessisesinde tranzitte buluna.
Bunı o, imayecisi Safiye Şabanovağa yazğan mektübinde bildirdi, dep yazdı "Qırım birdemligi".
Sizikov 2024 senesi ilk qış ayınıñ 9-nda Aqmescitniñ 1-nci SİZOdan çıqarıldı. Siyasiy mabüsniñ aytqanına köre, o, Qırımdan diger mabüsnen kete. Oleksandr, onı devam ettirecekler, dep qayd etti, amma etap ne vaqıt olacağını aytmadılar. Belki de, olarnı qara qış ayınıñ 13-nde Volgogradtan alıp ketecekler.
Qırım siyasiy mabüsi onı Krasnoyarsk vilâyetine avuştırğanlarını tasdıqladı, amma qaysı müessisege avuştırğanlarını aytmadı.
"Bütün tranzit noqtalarında bizni mahsus kameralarğa yerleştirlere ve sıñırlav tedbirleri pek sert olğanını añlatalar. Allahqa şükür, Simferopoldan (AqmescittenRusiye imperiyası ve Soviet Birligi tarafından Qırımnıñ meskün yerleriniñ adlarını deñiştirüv islâatından evelki ad — terciman) başlap, menim ile aynı yönelişte kele, er şeyde maña yardım ete. Bizim etapımız uzun süre, ve bizni ilk qış ayınıñ 26-nda Simferopoldan çıqqan diger Qırım gruppası endi yuttı. <...> Er şey yahşı, berabermiz ve bir-birimizge yardım etemiz", — dep yazdı Sizikov mektübinde.
Hatırlatamız ki, Sizikovnıñ adliyecisi, onıñ diagnozı 2004 senesi Rusiye ükümeti tarafından tasdıqlanğan cezanı çekmege imkân bergen hastalıqlar cedveline kirgenine esaslanıp, Rusiye koloniyasına etapnı toqtatmağa rica etti. Advokat tibbiy eyyetniñ keçirilmesini istedi, lâkin netice olmadı.
"Hizb ut-Tahrir davası"nıñ dörtünci Bağçasaray gruppası aqqında ne bilemiz
2020 senesi oraq ayınıñ 7-nde Qırımda keçirilgen kütleviy tintüvler vaqtında yedi kişi tutuldı. Aqmescitniñ "Kıyiv rayon makemesi" altı mabüs içün tevqif tedbirini sayladı.
İsmet İbrahimov, Zekirya Muratov, Vadim Bektemirov, Emil Ziyadinov, Alim Sufyanov, Seyran Hayredinov "makeme" zalında apiske alındı ve Aqmescitteki taqiqat izolâtorına yerleştirildi. Birinci gruppa körme saqatlığına saip olğan Oleksandr Sizikov ev apsine alındı.
Tutulğanlarnıñ episi, Rusiyede terroristik olaraq tanınğan, amma dünyanıñ çoq ülkesiniñ milliy seviyesinde sıñırsız faaliyet etken "Hizb ut-Tahrir" islâm siyasiy firqasında iştirak etkeninde qabaatlanalar.
2023 senesi qara ayında "devlet prokurorı" "Hizb ut-Tahrir" davası çerçivesinde Cenübiy bölge arbiy makemesinde Oleksandr Sizikov içün 18 sene rica etti.
2023 senesi mayısnıñ 17-nde Rusiye Federatsiyasınıñ Cenübiy bölge arbiy makemesinde Oleksandr Sizikovnı 17 senege azatlıqtan marum etüv cezasına maküm ettiler. Alim Sufyanov ve Seyran Hayderinov 12 sene sert rejimli müstemlekege üküm etildi. Birinci dört senesini olar da apishanede keçirecekler.
Rusiye makemesi Sizikovnı sert rejimli apishanege yolladı ve apishaneden soñ daa bir buçuq senege azatlıqtan marum qaldırdı, oña cemaat tedbirleri ve toplaşuvlarğa barmamağa emir etti.
2024 senesi berim ayında Moskva vilâyetiniñ istinaf makemesi "Hizb ut-Tahrir davası"nıñ dörtünci Bağçasaray gruppasına qarşı şikâyet arizasını baqmağa devam etti. Onıñ iştirakçileri Alim Sufyanov, Seyran Hayredinov ve körme qabiliyetini coyğan saqatlı qırımtatar Oleksandr Sizikovdır. Olar tintüvler ve "makeme taqiqatı" vaqtında yapılğan bir sıra bozuvlarnı qayd ettiler.
Hizb ut-Tahrir, islam siyasiy fırqasıdır. 2003 senesi Rusiyede o, terrorcı bir teşkilât olaraq tanındı, oña bağlı olğan insanlarni ise taqip etmege başladılar. İştirakçileri, "qanunlarğa qarşı faaliyet"te в бейле деген "cian hilâfeti"ni yaratmağa ıntılmağa qabaatlanalar. 2014 senesi Qırım işğal etilgen son işğalcilerniñ qanunları zapt etilgen Qırımda da qullanılmağa başlandı. Qırımlı musulmanlarnı da Hizb ut-Tahrirge bağlı olmaqta qabaatlamağa başladılar, böylece yarımadanıñ işğaline qarşı olğanı sebebinden qırımtatarlarğa basım arttı.
Telegram, WhatsApp ve Facebookta Suspilne Qırım haberlerine abune oluñız
