Qırım siyasiy mabüsi, "Hizb ut-Tahrir davası"nıñ dörtünci Bağçasaray gruppasınıñ iştirakçisi Oleksandr Sizikovnı, onıñ narazılığına ve advokatınıñ teşkerüv sebebinden esnasnı toqtatmaq talabına baqmadan, işğal etilgen yarımadadan etap ettiler. Bundan evel siyasiy mabüs işğal etilgen Aqmescitniñ 1-nci SİZOda üç ayğa tutuldı. Bütün bu vaqıt devamında o, sekiz kvadrat metrlik eki kişilik kamerada tutuldı.
İlk qış ayınıñ 10-nda Gratı bu aqqında haber etti.
"İlk qış ayınıñ 9-nda Oleksandr Sizikovnı Aqmescit SİZOdan alıp kettiler. Bir müddet devamında Krasnodar SİZOda bulunacaq, soñ "qapalı" apishanelerden birine alıp ketirilecek. Ükümge binaen, Sizikov dört yıl devamında eñ sert şaraitte tutulacaq. Rusiye Federatsiyasında böyle müessiselerniñ yedisi bar: Vladimir, Yelts, Yuqarı Ural, Balaşov, Dimitrovgrad, Minusinsk ve Yeniseysk apishanesi", — dep aytıla haberde.
Siyasiy mabüsniñ qorantasına etapnıñ soñki noqtası bildirilmedi.
Gratınıñ yazğanına köre, Sizikovnıñ advokatı, onıñ diagnozı 2004 senesi Rusiye ükümeti tarafından tasdıqlanğan ceza çekmege imkân bermeycek hastalıqlar cedveline kirgenine esaslanıp, Rusiye müstemlekesine etapnı toqtatmağa rica etti. Advokat tibbiy eyyetniñ keçirilmesini istedi, lâkin neticesi olmadı.
Sizikovnıñ Rusiye apishanesine etap etilecek soñ, imayecisi onı tibbiy baqışlar esasında azat etmek içün küreşmege devam etecek.
"Hizb ut-Tahrir davası"nıñ dörtünci Bağçasaray gruppası aqqında ne bilemiz
2020 senesi oraq ayınıñ 7-nde Qırımda keçirilgen kütleviy tintüvler vaqtında yedi kişi tutuldı. Aqmescitniñ "Kıyiv rayon makemesi" altı mabüs içün tevqif tedbirini sayladı.
İsmet İbrahimov, Zekirya Muratov, Vadim Bektemirov, Emil Ziyadinov, Alim Sufyanov, Seyran Hayredinov "makeme" zalında apiske alındı ve Aqmescitteki taqiqat izolâtorına yerleştirildi. Birinci gruppa körme saqatlığına saip olğan Oleksandr Sizikov ev apsine alındı.
Tutulğanlarnıñ episi, Rusiyede terroristik olaraq tanınğan, amma dünyanıñ çoq ülkesiniñ milliy seviyesinde sıñırsız faaliyet etken "Hizb ut-Tahrir" islâm siyasiy firqasında iştirak etkeninde qabaatlanalar.
2023 senesi qara ayında "devlet prokurorı" "Hizb ut-Tahrir" davası çerçivesinde Cenübiy bölge arbiy makemesinde Oleksandr Sizikov içün 18 sene rica etti.
2023 senesi mayısnıñ 17-nde Rusiye Federatsiyasınıñ Cenübiy bölge arbiy makemesinde Oleksandr Sizikovnı 17 senege azatlıqtan marum etüv cezasına maküm ettiler. Alim Sufyanov ve Seyran Hayderinov 12 sene sert rejimli müstemlekege üküm etildi. Birinci dört senesini olar da apishanede keçirecekler.
Rusiye makemesi Sizikovnı sert rejimli apishanege yolladı ve apishaneden soñ daa bir buçuq senege azatlıqtan marum qaldırdı, oña cemaat tedbirleri ve toplaşuvlarğa barmamağa emir etti.
2024 senesi berim ayında Moskva vilâyetiniñ istinaf makemesi "Hizb ut-Tahrir davası"nıñ dörtünci Bağçasaray gruppasına qarşı şikâyet arizasını baqmağa devam etti. Onıñ iştirakçileri Alim Sufyanov, Seyran Hayredinov ve körme qabiliyetini coyğan saqatlı qırımtatar Oleksandr Sizikovdır. Olar tintüvler ve "makeme taqiqatı" vaqtında yapılğan bir sıra bozuvlarnı qayd ettiler.
Hizb ut-Tahrir, islam siyasiy fırqasıdır. 2003 senesi Rusiyede o, terrorcı bir teşkilât olaraq tanındı, oña bağlı olğan insanlarni ise taqip etmege başladılar. İştirakçileri, "qanunlarğa qarşı faaliyet"te в бейле деген "cian hilâfeti"ni yaratmağa ıntılmağa qabaatlanalar. 2014 senesi Qırım işğal etilgen son işğalcilerniñ qanunları zapt etilgen Qırımda da qullanılmağa başlandı. Qırımlı musulmanlarnı da Hizb ut-Tahrirge bağlı olmaqta qabaatlamağa başladılar, böylece yarımadanıñ işğaline qarşı olğanı sebebinden qırımtatarlarğa basım arttı.
Telegram, WhatsApp ve Facebookta Suspilne Qırım haberlerine abune oluñız
