Keriç plâjlarında suv ösümliklerinen qarıştırılğan mazut qalımtıları qayd etilgen. Bulaşuv, Keriç boğazında "Vologneft" tankleriniñ qazasınıñ neticesinde olğan. Aqibetlerniñ yoq etüv üzerinde işler devam etile.
Bunıñ aqqında şeer memuriyetiniñ işğal başı Oleg Katorgin haber etti, yaza RİA Haberler.
Yermay mallarınıñ belli etüv aqiqkatı boyunca FV-den acele ştabnıñ oturışı olıp keçken. Yılan burunı ve Yeni-Qaleniñ rayonında Keriç plâjlarında işğal FVN ve Qırım Cumhuriyetiniñ ekologiya ve tabiat resurslarnıñ nazirligi çalışa.
"Keriç plâjlarında suv ösümliklerinen qarıştırılğan mazıt qalımtıları qayd etilgen. Şeer memuriyetinen yermay qalımtılarnıñ aqibetleriniñ yoq etüvi üzerinde işi teşkil etilgen", – alıntılalar Katorginni rusiye KHV.
112 ziyade şahısnı ve tehnikanıñ 12 danesini celp ettiler, haber etti Qırım Cumhuriyetiniñ işğal nazirler şurasınıñ baş muavini İgor Mihayliçenko.
"Akvatoriyada mazut lekelerniñ toplanuvı içün deñiz qurtarıcı hızmetinen "Maksim Kolosov" ve "Anatoliy Tkaçov" bünkerlik nezaret sistemaları yollanılğan edi", – haber etti Mihayliçenko.
Keriç boğazındaki qazası aqqında belli olğanı
Keriç boğazı yanında "Vologneft 212" ve "Vologneft 239" eki rusiye gemisi batmağa başladı. Bir geminiñ kenarında ekipajnıñ 13 azası buluna, başqasınıñ kenarında ise – 14.
Evelden, vaqia sebebi furtuna veye yaramay avası içün tankerlerniñ bozuluvı olğan. İlk qış aynıñ 15 qadar işğal etilgen Qırımda şiddetli yel sebebinden furtuna ihtarını bildirdiler.
Qaza neticesinde ekipajnıñ bir azası elâk olğan. Başqaları artqaç suvumasınen hastahanege yatqızdırılğanlar.
Eki rusiye tankeriniñ qazası, mazutnıñ 4 biñden ziyade tonnasınıñtokülüvine alıp ketirgen. Greenpeace iddia etkeni kibi, o, ekologiya içün ciddiy aqibetlerini peyda ettirebile.
Qaradeñiz strategik tedqiqatlar institutınıñ reberi Andrey Klimenko qayd etkeni kibi, gemiler deñizge çıqmağa azır degiller, çünki özen soylarından, em de eski olalar – 1951 ve 1955 çıqış yılları.
İlk qış ayınıñ 16-nda Rusiye Fevqulâde vaziyetler nazirligi "Volgoneft 239" tankeriniñ erkânı tahliye etilgenini bildirdi.
İlk qış ayınıñ 15-nde "Volgoneft 212" ve "Volgoneft 239" eki Rusiye tankeriniñ qazası neticesinde çıqqan mazut Qara deñiz ekosisteması içün "felâketli aqibetler"ge yol aça, dep Ukraina Etraftaki müit qoruv ve tabiat resursları nazirligi bildirdi.
"Yeşil mektüp" cemaat teşkilâtınıñ reisi Vladıslav Balinskıy "Suspilne. Studiya"nıñ canlı yayınında Qara deñizde soñki on yıllarnıñ eñ büyük ekologik felâketlerinden biri olğanını aytqan.
İlk qış ayınıñ 17-nde Qara deñizdeki Kavkaz limanı civarında "Volgoneft-109" tankeriniñ kapitanı yük tanklarından biriniñ sızıqsızlığı sebebinden felâket signalını berdi. Bu, "Volgoneft" tankerleriniñ mazut taşığanından üçünci adisedir.
İlk qış ayınıñ 19-nda Areket telükesizligi ve deñiz naqliyatını qullanuv qaidelerine riayet etmemege qabaatlanğan ekipaj azasınıñ ölümine ketirgen "Volgoneft-212" tankeriniñ kapitanı eki ayğa, 2025 senesi kiçik aynıñ 17-ne qadar apiske alındı. "Volgoneft-239" gemisiniñ kapitanı ise aynı müddetke ev apsinde tutıldı.
İlk qış ayınıñ 20-nde Anapadan Qırım köprüne qadar 65 km2 suv, batqan "Volgoneft" tankerlerinden birisinden aqqan mazutnen kirlendi. Etraftaki müit qoruyıcıları, felâketniñ miqyası daa büyük ola bilecegini tenbiley.
Aynı zamanda ilk qış aynıñ 20-nde Keriç boğazında Gvineya-Bisau bayrağınen areket etken "Gam Express" gemisi, ğam işaretini kösterip yardım içün muracaat etken.
Telegram, WhatsApp ve Facebookta Suspilne Qırım haberlerine abune oluñız
