Yarım milliard baqışlar, USQniñ ansambliniñ musulmanlarğa Ramazan bayramınen hayırlavlarını topladı, dep tarif etti ansamblniñ solisti ve ğayeniñ müellifi İsmail Qurt-Umer.
Cenk yılları devamında olar zenaatdaşlarınen beraber qırımtatar milliy gimni ve arbiy marşı, Rusiye-Ukraina içün dua ve "Çervona ruta" (''Qırmızı yüzerlik'') yırınıñ kliplerini yarattılar. Soñkisini dünyanıñ çeşit köşelerinden ukrainler icra ettiler.
Suspilne Qırım İsmail Qurt-Umer aqqında ve yırlı diplomatiyanıñ ukrainlerge gumanitar yardım içün millionlarnen dollar qazanmasına yardım etkeni aqqında tarif etti.
USQniñ nam qazanğan akademik yır ve oyun ansambliniñ bediiy reberi ve baş dirigenti Dmıtro Antonükniñ sözlerine köre, ansamblniñ coğrafiy haritasını artistlerniñ terkibine köre yapmaq mümkün. Amma gruppada bir qırımtatar bar — İsmail Qurt-Umer.
On yıldır İsmail Qurt-Umer ansamblniñ solisti ola. O, Qırım işğal etilgen soñ orduğa kirmege istegenini ayta. Amma o, küçüni USQniñ ansamblinde sınamağa qarar berdi. O hatırlay ki, Antonük ondan qırımtatarca yırlamağa rica etti ve bundan soñ onı kollektivke aldı.
Bu şekilde kirdim, qapını qaqtım, ve dedim: "Kün şerifleriñiz hayırlı olsun. Men İsmail, men Qırımdan, qırımtatarım, sizde yırlamağa isteyim". O, tebessüm etti ve dedi: "Yırla", — dep hatırlay İsmail Qurt-Umer.
Dmıtro Antonük, onı qırımtatar milliy renkleri, melosı, melizmleri, İsmailniñ sakinligi ve eminligi yeñdi, dep qayd etti.
10 yıl devamında İsmail Ukraina Silâlı quvetleri ansamblinen ATOUkrainanıñ şarqında terrorizmge qarşı operatsiya, BQOBirleşken quvetlerniñ operatsiyası ve tolu miqyaslı cenkniñ farqlı yerlerinde bulunğan edi.
"Tolu miqyaslı istilâdan evel biz şeerler turuna çıqtıq — Bahmut, Avdiyivka, Kramatorsk, Volnovaha. Bu şeerlerniñ episini ziyaret ettik, soñki kontsert Mariupolda edi", — dep qoşa İsmail.
Muzıkacılar cebege alâ daa barıp turalar. 2022 senesiniñ başında USQniñ ansambli musulmanlarnı Ramazan bayramınen hayırladı. İsmailniñ ğayesi edi, işdeşleri de oña qol tuttılaqr.
Bir yıl içinde bu video yarım milliarddan çoq kere baqıldı. Onıñ aqqında çetel matbuat vastaları haber etti. Muzıkacı belley ki, onıñ klipi musulman memleketlerinde Rusiye teşviqatınen küreşmege yardım etti.
"Saudiy Arabistan meselâ. O, bu klipni Ukrainağa 100 million dollarlıq gumanitar yardım ayırğan soñki tamçı kibi qabul etti", — dep hatırlay İsmail.
Soñki yılları ansamblniñ solisti, çalğıcı ve rejissör Stanislav Çerkasnen beraber on klipni çıqardı. Hususan, ilk sefer arbiy ansambl qırımtatar milliy gimnini icra etti.
"Qırımtatar tili o qadar qıyın degil, amma bizim yırımız ihtisasiy, bu sebepten mesele olmadı. Men olarğa er şeyni oqudım, er şeyni yazıp berdim, olar memnün olıp ögrendiler ve yırladılar, er şey yahşı", — dep qoştı İsmail Qurt-Umer.
"Men añlayım ki, ecnebiy tiller bizge ait degil, amma men pek yahşı bir maceracım. Onıñ içün qıyınlıqlardan qorqmayım. Onıñ tek bir işi bar — o, keri qayta. Men böyle aytam: "Bilesiñdir, Yañı yıl qara qış ayınıñ 1-nde kele, ne içün maña ilk qış ayınıñ 29-nda, vaqiağa eki kün qalğanda, muracaat etesiñ, ne içün bunı erte yapıp olamaysıñ, gece yazıp, repetitsiya yapmaq kerekmi?", — dey Dmıtro Antonük.
İsmail yaqında başqa ukrain icracılarınen beraber Türkiyede çıqışta bulundı, Ukraina ve USQniñ ansamblini temsil etti. Bundan da ğayrı, o, şimdi cebede bulunğan musulmanlar içün yañı leyhalar azırlağanını qayd etti.
Telegram, WhatsApp ve Facebookta Suspilne Qırım haberlerine abune oluñız
