İşğal etilgen Qırımda soñki eki ay devamında Rusiye quvetçileri Rusiye Federatsiyası içün ananeviy olmağan dinlerge mensüp olmağanlarğa qarşı basqını sertleştireler. Hususan, Ukraina Ortodoks Kilsesi, mustaqil din cemiyetleri ve "Yehova Şaatleri"ne qarşı basqı arttı.
Orta küz ayınıñ 25-nde Milliy muqavemet merkezi (MMM) bu aqqında haber etti.
Böylece, bu devirde işğalciler, Ukraina Ortodoks Kilsesiniñ Kezlevdeki Hrestovozdvıjenskıy Kilsesini cemaat azalarınıñ parasınen yıqtılar, ve "Aluşta" mustaqil musulman cemiyetini yoq etmege qarar aldılar.
"Diniy musulman mektepleriniñ qapatılması ve Qırım müftisiniñ tanınmaması, müminlerge yapılğan basqılarnı köstere. Bundan da ğayrı, evel "Qırım Yuqarı makemesi" "Yehova şaatları"nıñ azaları içün cezalarnı sertleştirdi, şartlı apis cezalarını kerçek apis cezalarına deñiştirdi", — dep bildirildi.
MMM bunı, Rusiye işğalge qarşı potentsiallı merkezlerni yoq etmek içün cenkke diqqat ayırğan dünyanıñ diqqatını qullanmağa istey, dep añlatalar.
Milliy muqavemet merkezi, Ukraina Silâlı quvetleriniñ Mahsus operatsiyalar quvetleri komandanlığınıñ bölügidir. O, vatandaş ealisini işğalcilerge muqavemet usullarına ögrete ve Ukrainanıñ vaqtınca işğal etilgen topraqlarında muqavemet teşkil ete.
