Перейти до основного змісту
"Serbest Qırımğa mektüpler": "Tayra" askeri apiske alınğan jurnalist İrına Danılovıçnıñ mektübini oqudı

"Serbest Qırımğa mektüpler": "Tayra" askeri apiske alınğan jurnalist İrına Danılovıçnıñ mektübini oqudı

İrına Danılovıç
İrına Danılovıç. Представництво президента в АРК

"Serbest Qırımğa mektüp" teşebbüsi çerçivesinde Yuliya "Tayra" Payevska, vaqtınca işğal etilgen Qırımdaki işğalli "makeme" tarafından patlayıcı cihaz taşığanı içün 7 sene umumiy rejim müstemlekege ve 50 biñ ruble para cezasına maküm etilgen ukrain uquq qorçalayıcısı, vatandaş jurnalisti, faalcisi İrına Danılovıçnıñ mektübini oqudı.

Orta küz ayınıñ 22. künü Temsilcilik Telegramda bu aqqında haber berdi.

"Yuliya "Tayra" Payevska — ukrain askeri, paramedigi, göñüllisi ve sabıq arbiy esiri, bugün onıñ sesinen Ukrainağa riayet etmegen, öz baqışları ve degerliklerine hainlik etmegen İrına Danılovıç ve işğalciler tarafından qanunsız sürgün etilgen Qırımdan yüzlernen vatandaşımız seslendireler", — dep bildirildi.

Şimdi İrına Danılovıç Rusiyeniñ Stavropol vilâyetindeki müstemlekede buluna, o otit hastalığından soñ sol qulağında eşitüv qabiliyetini coydı. Bundan da ğayrı, o, devamlı baş ve yürek ağrılarından şikâyet ete, mikroinsulttan soñ bedeniniñ yarısı areket etemez, qadın ise kerekli tibbiy yardım almay.

Temsilcilik teşebbüske qatılmağa çağıra.

"Bir mektüp yazıñız, dostlarıñız ve işdeşleriñizge aktsiya aqqında haber beriñiz, içtimaiy ağlarda paylaşıñız. Bu adiy adımlar vatandaşlarımızğa, er angi maniağa baqmadan, olarnıñ serbestligi içün küreşkenimizni añlatmağa yardım etecek. Muqavemet devam ete!" — dep Temsilcilik qayd etti.

Hatırlatamız ki, arman ayınıñ 1-de İrına Danılovıçnıñ babası Bronislav Danılovıç 78 yaşında vefat etti. O, kanser hastası edi.

İrına Danılovıç aqqında ne bilemiz

Saban ayınıñ 29-ında vaqtınca işğal etilgen Qırımda işten evge qaytqanda İrına Danılovıç ğayıp oldı. Aynı kün Kefe yanında Oy Quyu köyündeki evi tintildi. Anda ana-babaları yaşağan ediler, evini tintkende işğal quvetçileri cep telefonı ve tehnikasını alıp çıqardılar.

Bir qaç ay devamında tibbiy yardım talap etken soñ saban ayınıñ 21-inde açlıq çekmege ilân etti — izolâtorda, ayrıca keçken sene üküm çıqarılğan soñ onıñ sağlığı pek zayıfladı.

Cinaiy davasınıñ bilgilerinen tanış olıp bitirmek içün qanunsız "Kefe şeer makemesi"ne ketkende Danılovıç bayıldı. Bundan ğayrı, azaplar sebebinden açlıq ilân eter.

Çiçek ayınıñ 6-sında jurnalist açlıq bitirdi, çünki onı teşkermek ve tedaviylemek içün onı Aqamescitteki SİZOdan hastahanege alıp ketirmege söz berdiler.

Bozarğan aynıñ 29-ında işğal etilgen Qırım Yuqarı makemesi içtimaiy jurnalist ve faalci İrına Danılovıçnıñ ükümini deñiştirdi. Bundan evel patlayıcı alet saqlağanı sebebinden yedi senege malüm etildi. Apellâtsiya makemesiniñ qararına köre ceza müddeti bir ayğa azladılar.

Keçken sene boş ayda bildirildi ki, Danılovıç sanitar olmağan şartlarda buluna ve ihtiyac duyğanına baqmadan onı tedaviylemeyler.

Telegram, WhatsApp ve Facebookta Suspilne Qırım haberlerine abune oluñız

Топ дня
Вибір редакції
На початок