Ruslar tarafından qanunsız olaraq Qırımda tutulıp, yedi senege maküm etilgen vatandaş jurnalisti İrına Danılovıç otit hastalığını çekip, sol qulağınıñ eşitme qabiliyetini coydı. Bundan da ğayrı, qadın yürek hastalığı, baş ağrıları ve aqılsızlıqtan şikâyet ete. Siyasiy mabüs Zelenokumsk şeeriniñ 7-nci müstemlekesinde ceza çekmekte, anda oña kerekli yardım kösterilmey.
Bunı Qırımtatar Maaliy Merkezi bildirdi.
Oña köre, qadın eşitme mesekekeri ve bedeniniñ areketsizliginden ğayrı, yürek ve baş ağrılarından şikâyet ete. Ceza izolâtorınıñ memuriyeti Danılovıçnıñ şikâyetlerini ve sağlıq vaziyetini körmemezlikke ura, qorantası ve göñüllilerden berilgen ilâclar ise "bir tabletkanen sıñırlana".
"Tibbiy yardım almaq qıyınlaşa: bütün kerekli ilâclarnı almaq içün İrınağa Rusiye ekimlerinden retseptlerni almaq kerek, olarnı tek sert teşkerüvden soñ almaq mümkün. Qadınnı 300 kilometr uzaqlıqta bulunğan Stavropol şeerindeki ekimlerge yollaylar, bu ise daa çoq yorulmasınıñ sebebi ola. Böyle "seyaatlar"dan soñ, işğalcilerden tibbiy yardım soramaq istekleri yoq ola", — dep QMM añlattı.
İrına Danılovıç aqqında ne bilemiz
Saban ayınıñ 29-ında vaqtınca işğal etilgen Qırımda işten evge qaytqanda İrına Danılovıç ğayıp oldı. Aynı kün Kefe yanında Oy Quyu köyündeki evi tintildi. Anda ana-babaları yaşağan ediler, evini tintkende işğal quvetçileri cep telefonı ve tehnikasını alıp çıqardılar.
Bir qaç ay devamında tibbiy yardım talap etken soñ saban ayınıñ 21-inde açlıq çekmege ilân etti — izolâtorda, ayrıca keçken sene üküm çıqarılğan soñ onıñ sağlığı pek zayıfladı.
Cinaiy davasınıñ bilgilerinen tanış olıp bitirmek içün qanunsız "Kefe şeer makemesi"ne ketkende Danılovıç bayıldı. Bundan ğayrı, azaplar sebebinden açlıq ilân eter.
Çiçek ayınıñ 6-sında jurnalist açlıq bitirdi, çünki onı teşkermek ve tedaviylemek içün onı Aqamescitteki SİZOdan hastahanege alıp ketirmege söz berdiler.
Bozarğan aynıñ 29-ında işğal etilgen Qırım Yuqarı makemesi içtimaiy jurnalist ve faalci İrına Danılovıçnıñ ükümini deñiştirdi. Bundan evel patlayıcı alet saqlağanı sebebinden yedi senege malüm etildi. Apellâtsiya makemesiniñ qararına köre ceza müddeti bir ayğa azladılar.
Keçken sene boş ayda bildirildi ki, Danılovıç sanitar olmağan şartlarda buluna ve ihtiyac duyğanına baqmadan onı tedaviylemeyler.
Telegram, WhatsApp ve Facebookta Suspilne Qırım haberlerine abune oluñız
