Rusiye işğalcileri tarafından qanunsız olaraq 13 senege maküm etilgen qırımtatar siyasiy mabüsi Aziz Ahtemov berim ayınıñ 17-nde Yeniseysk SİZOdan belli olmağan yerge alıp ketirildi. Orta küz ayınıñ 2-ne qadar adamnıñ bulunğan yeri belli degil edi.
Siyasiy mabüs Ahtemniñ apayı Adile Ahtemova bunı bildirdi.
Azizniñ qorantasına yazğanı mektübinde o, aşayt meselesi aqqında tarif etti. Yemekten tek çay qaldı. O, şahsiy esaplarına irişip, öz yemeklerini temin ete bilecegine ümüt ete edi.
"Bu mektüp yazılğanından berli eki afta keçti. Meraqlısı şu ki, Aziz T-2 Yeniseyskten çıqarılğan soñ, men Krasnoyarsknıñ 1. SİZOda olğan adamğa mektüp yazdım. Lâkin cevap keldi ki, adresat endi çıqtı. Aziz bütün tuvğanları, yaqınları ve tanışlarına selâm yollay ve er kesni sağına", — dep tarif etti siyasiy mabüsniñ apayı.
Aziz Ahtemovnıñ apiske alınması aqqında ne belli
2022 senesi berim ayında Qırımnıñ işğalli makemesi Anğara köyünde gaz borusında diversiya davasında üküm çıqardı. Aziz Ahtemov 13 sene sert rejimli müstemlekede qalmasına üküm etildi, para cezası berildi ve 1 sene azatlıqtan marum qaldı. 2023 senesi boş ayda bildirilgeni kibi, adamnı Qırımdan Rusiye Federatsiyasınıñ Krasnoyarsk vilâyetiniñ Yeniseysk rayonına qadar aman-aman 40 kün devamında etap ete ediler.
Hatırlatamız ki, 2024 senesi orta küz ayına qadar uquq qorçalayıcılar siyasiy sebeplerden taqiplerniñ 218 qurbanını qayd ettiler, olardan 44-ü Qırımda buluna.
Telegram, WhatsApp ve Facebookta Suspilne Qırım haberlerine abune oluñız
