“Men bir özüm degilim”: rus apishanesinden Asan Ahtemov qırımtatar tilinde altıncı online ilmâ içün metinni yazdı

“Men bir özüm degilim”: rus apishanesinden Asan Ahtemov qırımtatar tilinde altıncı online ilmâ içün metinni yazdı

Ексклюзивно
“Men bir özüm degilim”: rus apishanesinden Asan Ahtemov qırımtatar tilinde altıncı online ilmâ içün metinni yazdı
qırımtatar tilinde altıncı online ilmâ. Фото: Facebook/Nefes

Halqara ana tili künü altıncı qırımtatar tilinde online imlâ keçirildi. Nefes cemaat teşebbüsi onı teşkil etti. Onı Qırımdan Nefesniñ YouTube kanalı ve Facebook saifesinde canlı yayında oqudılar.

Teşebbüsniñ idarecisi, cemaat jurnalisti Elmaz Akimovanıñ Suspilne Qırımğa añlatqanına köre bu imlâ, tek ana tilini destek etmege yönelgen degil, Qırımda siyasiy sebepli sahte davalar çerçivesinde qanunsız olaraq taqip etilgen faalciler aqqında hatırlatmağa da yönelgen birlik aktsiyasıdır.

"Ne tevqif, ne apishane sözni toqtaya bilir. Biz olarnı destek etecekmiz", — dep Akimova qayd etti.

2019 senesi qırımtatar tilinde imlâ ilk kere yazıldı.

"Biz onı Nariman Celâl ve Asan Ahtemovnen keçire edik ve insanlar bunı o qadar begendiler ki, er sene imlânı keçirip yazmağa qarar berdik", — dep teşebbüsniñ idarecisi añlattı.

Endi bir qaç sene olar, Nefes taqımınıñ azaları iştirak etmeden imlâ keçirile. 2021 senesi berim ayından berli Nariman Celâl, Asan Ahtemov ve Aziz Ahtemov tevqif astında bulunalar. Aqmescit bölgesiniñ Anğaradaki gaz borusında diversiyada şübelenip, işğal etilgen Qırımda RF FCB işçileri olarnı tevqif ettiler. Üç siyasiy mabüs rus hapishanelerinde buluna. Tamam o yerden Nariman Celâl, imlâ içün metin yolladı. Bu sene metinniñ müellifi Asan Ahtemov oldı.

“Metninde Asan añlata ki, qıyınlıqlarğa baqmadan o yalñız olmay. Metniniñ adı de böyle — "Men de bir özüm degilim". Metin er şey aqqında: vatanına, halqına, Qırımnıñ tabiatına sevgi", — dep Elmaz Akımova añlattı.

“Men bir özüm degilim”: rus apishanesinden Asan Ahtemov qırımtatar tilinde altıncı online ilmâ içün metinni yazdı
Siyasiy mabüs Asan Ahtemov. Фото: Кримська солідарність

Keçken sene deyerli biñ beş yüz insan iştirak etti, dep Akimova ayttı. Bu sene teşkilciler inanalar ki, imlânı yazmağa isteycek, şu cümleden öz metnini yollamağa qarar berecek insanlarnıñ sayısı artar.

"Olar (imlânı yazğanlar — muar.) "Mında çoq hata yaptım, hatalarını tapmaları ve körmelerini istemeyim", dep tüşüneler. Amma biz hatırlatamız ki, biz metninin savatına baqmaymız. Bu, böyle birlik aktsiyasıdır. Biz begenemiz ki, bir vaqıtta epimiz bir metin qırımtatar tilinde yazacaqmız. Bu pek güzel", — dep Akimova qayd etti.

Tek qırımtatarlar degil, qırımtatar halqınıñ tili, medeniyeti ve tarihine meraqlanğan er kes iştirak ete bilir.

"Türkiyeniñ çoq şeerinden, Özbekistandan, Kanadadan yazalar. AQŞdan da yazdılar. Çoq degil, amma metinlerini yolladılar", — dep idareci hulâsa çıqardı.

Anastasiya Patselâ da aktsiyağa bir qaç kere qatıldı. O añlattı ki, qırımtatar tilinde yazmaq zor olmay.

"Endi çoqtan qırımtatar tilinen çalışam. Bunıñ içün kerçekten de zor degil. Plüs, oquğanda da til taşıyıcıları bizge derslerni alıp bere ediler, bunıñ içün tilini eşitmege alıştıq ve bu da bizge yardım etti", — dep iştirakçi qayd etti.

Anastasiyanıñ fikrince, eñ esası, böyle aktsiyalar insanlarnı birleştire.

"Bu, tek tilni rağbetleştirici, oqutıcı ve inkişaf ettirici aktsiya degil, Ukrainada olğan vaqialarnı hatırlatqan bir aktsiyadır", — dep qız qayd etti.

Öz imlâsınıñ fotoresimi ya da skankopiyasını Nefesniñ ekeltron poçtasına[email protected] yollamaq içün iştirakçilerin bir künü olacaq. Neticeler ise Nefesniñ Facebook saifesinde yayınlanacaq. Hata yapmağanlar mukâfatlandırılacaqlar.

Telegram ve Facebookta Suspilne Qırım haberlerine abune oluñız

На початок