Oraq ayınıñ başında Ukraina prezidentiniñ Qırım Muhtar Cumhuriyetindeki temsilciligi yarımadada işğalli makemelerge "Rusiye Silâlı quvetlerini itibardan tüşürgeni" içün açılğan 847 davanı yollağanını qayd etti. Bu raqam bu sene çiçek ayından 45 kere arttı, o vaqıt 802 vaqia qayd etilgen edi.
Oraq ayınıñ 4-nde Temsilcilikniñ Facebook saifesinde bu aqqında haber berdiler.
Bu 847 davanıñ 755-inde işğalciler para cezasını belgilediler ya da başqa maddelerge binaen davağa qoşuldılar ve umumiy qarar aldılar. Şimdi daa 10 dava baqıla.
"Cinsiy mensüplikke köre, 309 (41%) qarar qadınlarğa qarşı, 446 (59%) ise erkeklerge qarşı alındı. Umumen, para cezalarınıñ umumiy miqdarı eñ az 23,7 mln rusiye rublesidir", — dep bildirildi.
Telegram ve Facebookta Suspilne Qırım haberlerine abune oluñız
