İşğal etilgen Qırımda rus quvetçileri 35 yaşındaki Server Demerşayevni tutıp, içtimaiy ağlarda "Rusiye ordusını itibardan tüşürgenindeRF Cinaiy qanunnamesiniñ 280.3. maddesi" qabaatladı.
Bozarğan aynıñ 25. künü Qırımtatar Maaliy Merkezi (QMM) bu aqqında haber berdi.
"Rusiye mahsus hızmetçileri Yañı Burulça köyünden 35 yaşındaki Demersayev Server Muslimovıçnı tuttılar. Teşviqiy haber menbalarınıñ malümatına köre, içtimaiy ağlarda adam "Ukrainanı destek etken, Ukraina silâlı quvetlerini beklegen ve Rusiye ordusını itibardan tüşürgen", — dep bildirildi.
Qayd etilgenine köre, davanıñ malümatları işğalli makemege berildi.
QMM, işğalciler adamnı kamera ögünde afu soramağa mecbur etkenini de bildirdi.
Keçenlerde Ukraina prezidentiniñ Qırımdaki daimiy temsilcisi Tamila Taşeva, 2023 senesi Rusiye Federatsiyasında ve Ukrainanıñ işğal etilgen topraqlarında "Rusiye ordusını itibardan tüşürgen" er altıncı ceza Qırımda qayd etidi ve böyle qabaatlamalarğa köre açılğan davalarnıñ sayısı ise 70,6%-ge arttı, dep bildirdi.
Telegram ve Facebookta Suspilne Qırım haberlerine abune oluñız
