Çiçek ayınıñ 13. künü Qırımnıñ şimalindeki Ay Petride yerleşken işğalcilerniñ bazasına raketa ücümi neticesinde 85683. arbiy qısımnıñ komandanı Oleksandr Kulakov öldi.
Komandanğa yaqın insanlardan menba, Suspilne Qırımğa bu aqqında haber berdi.
"Ücüm neticesinde zambitlerniñ evleriaskerlerniñ aileleri içün çoq daireli evler pek bozuldı ve çoq rus askeri yaralandı. İşğalciler, Ay Petri dağındaki RF Ava mudafaası sistemasınıñ arbiy bazasına raketa ücüminiñ neticelerinen bağlı bütün malümatnı gizlemege tırışalar", — deo menba qayd etti.
Keçenlerde işğal etilgen yarımadanıñ acele hızmetlerinden ASTRAnıñ menbaları haber berdiler ki, bu dağda Rusiye Silâlı Quvetleriniñ 3. radiotehnikiy taqımınıñ Ava mudafaası sistemasınıñ "gizli" arbiy bazası buluna.
Olarnıñ bilgilerine köre, mayıs ayınıñ 13. künü saba saat 6da vaqtınca işğal etilgen Qırımnıñ şimalindeki Ay Petri dağındaki 85683. arbiy qısımğa raketa ücümi oldı.
Hatırlatamız ki, mayıs ayınıñ 13. künü RF Mudafaa nazirligi bildirdi, ki, vaqtınca işğal etilgen Qırım avasında yedi uçucısız alet ve dört "Storm Shadow" raketası tüşürildi.
Ukrain resmiy müessiseleri de bu malümatnı tefsir etmediler.
Ay Petri dağındaki arbiy baza aqqında ne bilemiz
Şura devrinde Ay Petri dağınıñ töpesinde Ava mudafaası sistemasınıñ ordusı ve uzaq istihbaratnıñ raidotehnikiy merkezi teşkil etildi. Radarlarnıñ qorçalayıcı inşaatlarınıñ damları kürreler kibi turistlerniñ diqqatını sıq celp eteler. Bu inşaatlar tübünde radiolokatsiya kompleksleri bulunalar. Bundan ğayrı, anda bu obyektlernen çalışqanlar içün arbiy şeerçik yerşele.
3. radiolokatsiya taqımı — RF Ava-kâinat quvetleriniñ radiotehnikiy ordusınıñ terkibindeki arbiy teşkilâtıdır. 2014 senesi Rusiye Federatsiyası Qırımnı işğal etken soñ Ukraina Ava quvetleriniñ 40. radiotehnikiy taqımınıñ bazasınıñ esasında teşkil etildi. Ştabı, Aqyar şeerinde yerleşe.
Telegram ve Facebookta Suspilne Qırım haberlerine abune oluñız
