Mayıs ayınıñ 13-ünciniñ gecesinde işğalciler, Ava mudafaası sistemasınıñ "çalışqanı"nı bildirdiler. RF Mudafaa nazirligi bildirdi, ki, Qırım avasında uçucısız aletler ve "Storm Shadow" raketaları "tüşürildi".
Öz Telegram kanalında RF mudafaa nazirligi bu aqqında haber berdi.
İşğalcilerniñ bilgilerine köre, sanki idare etilgen dört ava "Storm Shadow" raketası ve yedi uçucısız alet (olarnıñ türü bildirilmedi) yoq etilgen.
Gece maalinde işğal etilgen Qırımda ava telükesi ilân etilmedi. Yerli sakinler de patlamalar aqqında haber bermediler.
Ukrain resmiy müessiseleri de bu malümatnı tefsir etmediler.
Telegram ve Facebookta Suspilne Qırım haberlerine abune oluñız
