Bugün mayıs ayınıñ 14. künü dörtünci işğalli kassatsiya makemesi Qırımlı, içtimaiy jurnalist İrına Danılovıçnıñ ükünimi deñiştirmeyip qaldırdı.
Apis etilgen qadınnıñ babası suspilne Qırımğa bu aqqında haber berdi.
O qayd etti ki, sağlı alı sebebinden İrına oturışlarğa qatılmadı.
"Oturışnıñ tarihı deñiştirildi. Birinciden çiçek ayınıñ 25. künü olacaq edi. Birazdan mayıs ayınıñ 14. kününe uzatıldı. Biz, advokattan oturışnıñ olacağını ögrendik. O bugün oldı, amma İrınanıñ menfaatını tek advokat imaye etti", — dep qayd etti.
Siyasiy mabüsniñ babasınıñ sözlerine köre, qadın ne küçlü sesnen laf ete, ne diñley bile. Bundan ğayrı, alâ daa oña tibbiy yardım bermediler.
"Oña ilâçlarnı yollağanda apishane olarnı alıp açalar ve çıqaralar. Anda ilâç alması ya da aşı yaptırması içün nevbette turmaq kerek. Ve onı alacağıñdan emin olamazsıñ. Öz ilâçını", — dep Bronıslav Danılovıç añlattı.
"Qırım ketişatı" uquq qorçalayıcı teşebbüsiniñ haber bergenine köre, böyle degen makemeci İvan Ğromovnıñ iştirakinen eyyet, qanunlarnıñ bozulmasını körmedi ki, uquq statusını ve advokat yardımını bermeden evelki "makemeler" jurnalitstniñ mağazda tutulmasını körmemezlikke urdılar ve şaatnı soravnen bağlı davanıñ sahte olmasını uquqiy ceetten qıymetlendirmediler.
"Kassatsiya eyyeti, delil eşyalarını baqıp teşkermege ve qorçalayıcınıñ 15 şaatını soratmağa red etkeni seneninden qorçalav aqqınıñ bozulmasını körmedi. İrına Danılovıçnı 6 sene ve 11 ayğa maküm etilgen Qırım Yuqarı makemesiniñ ükümini deñiştirmeyip qaldırdı", — dep bildirildi.
Hatırlatamız ki, Danılovıçqa davasınen bağlı kassatsiya oturışında iştirak etmege red etti. Bunıñ sebebi dayanılmaz qulaq ağırısı edi.
İrına Danılovıç aqqında ne bilemiz
Saban ayınıñ 29-ında vaqtınca işğal etilgen Qırımda işten evge qaytqanda İrına Danılovıç ğayıp oldı. Aynı kün Kefe yanında Oy Quyu köyündeki evi tintildi. Anda ana-babaları yaşağan ediler, evini tintkende işğal quvetçileri cep telefonı ve tehnikasını alıp çıqardılar.
Bir qaç ay devamında tibbiy yardım talap etken soñ saban ayınıñ 21-inde açlıq çekmege ilân etti — izolâtorda, ayrıca keçken sene üküm çıqarılğan soñ onıñ sağlığı pek zayıfladı.
Cinaiy davasınıñ bilgilerinen tanış olıp bitirmek içün qanunsız "Kefe şeer makemesi"ne ketkende Danılovıç bayıldı. Bundan ğayrı, azaplar sebebinden açlıq ilân eter.
Çiçek ayınıñ 6-sında jurnalist açlıq bitirdi, çünki onı teşkermek ve tedaviylemek içün onı Aqamescitteki SİZOdan hastahanege alıp ketirmege söz berdiler.
Bozarğan aynıñ 29-ında işğal etilgen Qırım Yuqarı makemesi içtimaiy jurnalist ve faalci İrına Danılovıçnıñ ükümini deñiştirdi. Bundan evel patlayıcı alet saqlağanı sebebinden yedi senege malüm etildi. Apellâtsiya makemesiniñ qararına köre ceza müddeti bir ayğa azladılar.
Keçken sene boş ayda bildirildi ki, Danılovıç sanitar olmağan şartlarda buluna ve ihtiyac duyğanına baqmadan onı tedaviylemeyler.
Telegram ve Facebookta Suspilne Qırım haberlerine abune oluñız
