İşğal etilgen Qırımnıñ Aluşta şeerinde arbiy sicilge qayd etilgen adamlarnıñ sağlığınen bağlı şikâyetleri olsa da, vesiqalarında "hızmetke sıñırsız uyğun" olğanlarını tanıylar.
Suspilne Qırım, keçenlerde tibbyi eyyetke ketken 16 yaşındaki qırımlınen anonim şekilde bu aqqında laf etti.
"Bu sene Rusiye tarafından kontrol etilgen Aluşta şeeriniñ arbiy komissarlığında böyle degen ekspertizada maña ve tanışlarıma А1 qoydılar, amma bizge bile baqmadılar, yani sen "tamamınen sağlamsıñ", dep yazdılar. İnsanıñ sağlıq şiklâyetlerine baqmadan. Men ise ilk kere arbiy sicilge qayd oldım (16 yaşında yetken soñ – muar.)", — dep ayttı.
Bundan ğayrı, oğlan qoştı ki, onıñ tanışları ve yaşdaşlarınıñ tecribesine tibbiy eyyet, vesiqalarda "azamiy şekilde sağlam" dep yazmağa ıntıla.
16 yaşındaki oğlannıñ qayd etkenine köre, oqumağa bitirecek soñ işğal etilgen Qırımdan ketmege planlaştıra.
Aynı zamanda işğalciler, Qırımnıñ sakinleriniñ rus ordusında "hızmetke uyğınlığı" artıp turğanını bildirdiler.
Qırımda baar "askerlikke kütleviy çağurıluvı" aqqında ne bilemiz
Kremlniñ başı Vladimir Putinniñ emrine köre, "baar askerlikke kütleviy çağurıluvı" çerçivesinde 2,5 biñ insannı askerlikke kütleviy çağurmağa planlaştıralar.
2015 senesinden berli Qırımda 18 qanunsız askerlikke kütleviy çağuruv kampaniyası oldı. Olar çerçivesinde RF SQe tahminen 44,5 biñ insan askerlikke kütleviy çağurıldı.
Aynı zamanda 2024 senesiniñ birinci üç ayı devrinde işğal etilgen Qırımda insan aqlarınıñ bozulmasınıñ talilini taqdim etkende Qırımtatar Maaliy Merkeziniñ başı Eskender Bariiev bildirdi ki, çiçek aynıñ 1. künü başlağan yarımadada 19. qanunsız askerlikke kütleviy çağuruv kampaniyası çerçivesinde 15 biñ Qırımnıñ sakinini askerlikke kütleviy çağurmağa planlaştıralar.
Qırımda 25 "askerlikke kütleviy çağuruv eyyeti" belediye teşkilâtı ve yarımadanıñ "askerlikke kütleviy çağuruv eyyeti"ni teşkil ettiler. Bundan ğayrı, "baar askerlikke kütleviy çağurıluvı" devrinde askerlikke kütleviy çağuruv yaşını arttırdılar.
V. Jenevre şartnamesiniñ 51. maddesine köre işğal etlgen topraqlar ve ayrıca Qırımnıñ sakinlerini rus ordusına askerlikke kütleviy çağırmaq yasaq ve Halqara cinaiy makemeniñ Roma beyannamesiniñ (2)(a)(v) maddesine köre cenk cinayetidir. Halqara cinaiy makemeniñ Roma beyannamesiniñ (2)(b)(xv) maddesine köre Ukraina vatandaşlarını öz devletine qarşı arbit areketlerde iştirak etmege mecbur etmek te ayrı cenk cinayetidir.
