İşğal etilgen Qırımda 25 "mobilizatsiya eyyeti" belediye teşkilâtı ve yarımadanıñ "mobilizatsiya eyyeti"ni teşkil ettiler. Bundan ğayrı, "baar mobilizatsiyası" devrinde mobilizatsiya yaşını arttırdılar.
"Moskva komsomolcısı" rus teşviqat basımına Qırımnıñ "arbiy komissarı" polkovnik Yevhen Maşukov bu aqqında haber berdi.
Maşukovnıñ bildirgenine köre, bu Qırımdaki "eyyetler" belediye teşkilâtlarnıñ işi "pek yahşı"dır.
"İş başlandı. Planlarnı yerine ketirecekmiz. Çiçek ayında toplanuv noqtasından arbiy qısımlarğa yollanmaq kerekli olacağı tüm taqımlar endi şekillendirildi. Çiçek aynıñ 15. künü birinci taqımlar yollandı", — dep qayd etti.
Bundan ğayrı, "arbiy kommisar", "Qırımnıñ genç sakinleriniñ meraqlanğanları içün mobilizatsiya yaşını arttırğanını bildirdi. Yedekte olmağan er kes, "18-30 yaşındakiler mobilizatsiya olunıcı"dır.
"Arbiy hızmet etmege başlap, 27-30 yaşındaki vatandaşlarnıñ öz arbiy borcusını yapmağa imkânı bar. Keçenlerde mobilizatsiya yaşı 27 edi. 27 yaşına yetken soñ çoq vatandaş oquv yurtlarında oquy edi ve kelecekte iş tecribesini almaq ve karyera yapmaq içün olardan tahminen 60%-i şu oquv yurtlarını bitirgen soñ mobilizatsiya çerçivesinde hızmet etmege istegen edi", — dep ayttı.
Qırımda baar "mobilizatsiyası" aqqında ne bilemiz
Hatırlatamız ki, Kremlniñ başı Vladimir Putinniñ emrine köre, "baar mobilizatsiyası" çerçivesinde 2,5 biñ insannı mobilizatsiya etmege planlaştıralar.
2015 senesinden berli Qırımda 18 qanunsız mobilizatsiya kampaniyası oldı. Olar çerçivesinde RF SQe tahminen 44,5 biñ insan mobilizatsiya etildi.
Aynı zamanda 2024 senesiniñ brinci üç ayı devrinde işğal etilgen Qırımda insan aqlarınıñ bozulmasınıñ talilini taqdim etkende Qırımtatar Maaliy Merkeziniñ başı Eskender Bariiev bildirdi ki, çiçek aynıñ 1. künü başlağan yarımadada 19. qanunsız mobilizatsiya kampaniyası çerçivesinde 15 biñ Qırımnıñ sakinini mobilizatsiya etmege planlaştıralar.
