Ukraina Havfsızlıq hızmeti, halq mebusı Nestor Şufrıçnıñ eski yardımcısını tuttı. Oña işğal etilgen Qırımda Rusiyeniñ cenk birleşmelerine para ayırmaqta şübe bildirdiler.
Hızmetniñ matbuat hızmeti bu aqqında haber berdi.
Davanıñ bilgilerine köre, cinayetçi — añlaşmalarnıñ uquqiy tarafları içün cevapkâr olğan mebusnıñ yardımcısıdır. Şu cümleden, şübelengen adam, Rosgvardiyanıñ müessiselerinen añlaşmalarnı imzalamağa yardım etken edi. Şu añlaşmalar, mebusnıñ saip olğanı Qırımdaki bay taşınılmaz mülküniñ qaravullığınen bağlı edi.
"Böylece, 3 ay devrinde işğalcilerniñ esaplarına eñ az beş yüz biñ rus rublesi yollandı. Bu paranıñ maqsadı – halq mebusnıñ yarımadadaki obeyktlerini "cenkiy qavarullığı hızmetleri"ni bermektir", — dep bildirildi.
Hatırlatamız ki, 2024 senesi kiçik aynıñ başında halq mebusı Şufrıçqa aynı şübe bildirildi.
Keçirilgen tedbirlerniñ neticelerine köre UHHniñ taqiqatçıları ve operativcileri, Şufrıçnıñ biznes ortağını tuttılar ve UCQniñ 110-2. maddesiniñ 3. qısmıUkraina devlet sıñırını ya da toprağını deñiştirmek, devlet akimiyetini zapt etmek ya da qanunname tarzını yoq etmek ya da zoraki deñiştirmek maqsadınen yapılğan areketlerge para ayıruvna binaen oña lübe bildirdiler.
Cinayetniñ bütün sebeplerini ögrenmek içün taqiqat devam ete. Cinayetçi 8 senege maküm etile ve mülkünde marum oluna bilir.
Nestor Şufrıç aqqında ne bilemiz
Nestor Şufrıç — faaliyeti 2022 senesi yasaqlanğan “OPZJ“ fırqasınıñ halq mebusıdır. 1990 ss. Şufrıç öz siaysiy karyerasını başlattı. Bütün mebus faaliyeti devri boyunca rus tarafını alıp tuta edi.
2023 senesi berim ayında uquq qorçalayıcılar, yasaqlanğan “OPZJ“ fırqasınıñ halq mebusına devlet hanliginde şübe bildirdiler. Bundan ğayrı, Ukraina Havfsızlıq hızmeti Şufrıçnıñ evini tintti.
2024 senesi kiçik ayda Nestor Şufrıçqa Qırımda Rosgvardiyağa para ayırmaqnen bağlı yañı şübe bildirdiler.
Telegram ve Facebookta Suspilne Qırım haberlerine abune oluñız
