Balıqlava şeerinde işğalciler tarihiy binalarnıñ «restavratsiyası»nı başlattılar

Rusiye işğalli akimiyeti «restavratsiya» olaraq Qırımnıñ tarihiy abidelerine kirişmege devam eteler. Balıqlavada bir qaç tarihiy obyektinde, şu cümleden «Batkivşçına» kinoteatrinde, Pedkov ve Şçerbınanıñ yazlıq evlerinde, em de knâz Yusupovnıñ evinde işler devam ete.

Orta küz ayınıñ 21-nde Telegramda Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) «gubernatorı» Mihail Razvojayev bunı bildirdi.

«1900 seneleriniñ başında mında "tam pansion" odaları kirağa berile edi, musafirlerni qarşılay ediler, filmlerni köstere ediler. Restavratsiya işleri bitecek soñ da böyle olacaq», — dedi o.

İşğalli memuriyet, kinoeatrnıñ ög tarafına eski fotoresimlerden yapılğan yañı ilham perileri eykellerini qoymağa niyetlene, çünki asıl resimler saqlanmadı. Bundan ğayrı, ayrı inşaatlar ğayrıdan qurula ve kompleks toprağında restoran açmağa azırlana.

«Batkivşçına» kinoteatrı — 1911 senesi qurulğan, Nazukin yalısında yerleşken tarihiy binadır. Şimdilik bina baqılmağan vaziyette buluna ve öz esas maqsadı boyunca çalışmay.

Bundan da ğayrı, Pedkov ve Şçerbınanıñ yazkıq evleriniñ divarlarını qaviyleştireler, yañı müendislik ağlarını qurıp, ilerideki rekonstruktsiyağa azırlanalar.

Ekim Pedkovnıñ ve iş adamı Şçerbınanıñ yazlıq evleri — bölge emiyetli medeniy miras obyektleri, Balıqlava yalısında yerleşken XIX asırnıñ soñu — XX asırnıñ başı tarihiy mimarlıq abideleridir.

Bundan ğayrı, Razvojayev, knâz Yusupovnıñ evinde qazağa qarşı işlerniñ yekünlengenini bildirdi ve boş aydan başlap yañı «restavratsiya» basamağınıñ başlanğanını ilân etti.

Knâz Yusupovnıñ (Yusupov evi) avcılıq evi — Tavriya yalısında XX asırnıñ başındaki mimarlıqnıñ daa bir tarihiy abidesidir.

Ukrayina işğal etilgen Qırımda ukrayin tarafınıñ razılığı olmadan medeniy miras obyektlerinde yapılğan er angi işler qanunsız olğanını defalarca qayd ete edi.

Böylece, Qırımtatar Resurs Merkezi evel yazğanına köre, işğal etilgen Bağçasaraydaki Hansaraynıñ «restavratsiyası» onıñ yoq etilmesine ketire. İşler, qurulışlarnıñ deformatsiyasınıñ sebebi olğan qaba bozuvlarnen keçirile, qazma esnasında tapılğan rus artefaktları ise Qırımdan çıqarıla.

Bundan ğayrı, Qırımda işğalciler «Hersones» kompleksiniñ qadimiy bağçasını yoq eteler. Sevastopoldaki (Aqyardaki) Fiolent burnu yanında qadimiy evniñ qalımtıları Herson horasına ait. «Qırım reintegratsiyası birleşmesi»niñ malümatına köre, obyektni 2020 senesi topraq damartısını alğan ED Silâlı quvetleriniñ askeri qura.

Bundan evel Suspilne Qırım muarririyeti, işğal «Qırım medeniyet nazirligi» Hersones qoruğınıñ toprağında mesken qurucılığına izin bergenini bildirgen edi.

Evel Avropa Birliginiñ Şurası Rusiyege qarşı 17-nci sanktsiyalar paketini tasdıqladı. Şu cümleden, Qırımda medeniy mirasnıñ hırsızlanmasına qarşı sıñırlavlarnı kirsetti. Cedvelge Sevastopoldaki (Aqyardaki) «Hersones» müzey-qoruğınıñ işğalli müdiri Olena Morozova kirdi.

Bundan ğayrı, Ukrayina Mudafaa nazirliginiñ Baş istihbarat idaresi işğal etilgen Qırımda qanunsız arheologik işlerde iştirak etken beş şahısnıñ malümatını aydınlattı. Bundan da ğayrı, istihbarat, onıñ malümatına köre, Eski Mirmekiy şeerinden hırsızlanğan 14 ukrayin medeniy qıymeti aqqında malümatnı derc etti.

Читати ще