2014 senesi Rusiye Qırımnı işğal etkende bu vazifede çalışqan Ukrayina ADQniñ sabıq komandanı devlet hainligi içün 15 senege ğıyabiy şekilde mahküm etildi ve mülkü müsadere etilecek. Şu devirde bu vazifeni Denıs Berezovskıy eda ete edi.
Yekâne maheme qararları cedvelinde bu üküm aqqında malümat derc etildi.
«Ukrayina CQniñ 111-nci maddesiniñ 1-nci qısmıdevlet hainligi boyunca qabaatlı dep tanımaq ve mülkiniñ musadere etilmesinen, «kontr-admiralArbiy Deñiz quvetlerinde yuqarı zabit erkânınıñ birinci (yaş) arbiy unvanı» arbiy unvanından mahrum etilmesinen, 3 sene müddetke arbiy teşkilâtlarda, mahkeme ve uquq qorçalayıcı organlarda vazife almaq uquqından marum etilmesinen 15 senelik apis cezasına mahküm etmek. Cezanıñ müddetini tutulğan andan, üküm icrası tertibinde esaplamaq. Arbiy teşkilâtlarda, mahkeme ve uquq qorçalayıcı organlarda vazife almaq uquqından marum etüv şeklindeki qoşma cezanıñ müddetini esas apis cezası çekilgenden soñ esaplamaq», — dep qayd etildi mahkeme qararında.
Denıs Berezovskıy aqqında ne bilemiz:
1974 senesi ilk yaz ayınıñ 15-nde Harkivde doğdı. Arbiy kariyerasını Ukrayina müstaqilligi devrinde başladı. Arbiy Deñiz Quvetleriniñ flagmanı «Hetman Sağaydaçnıy» fregatınıñ komandirlerinden biri, ukrayin-amerikan «Si-Briz» talimleriniñ yolbaşçısı edi. Rusiyeniñ Qırımnı işğal etmesi arefesinde Deñiz Quvetleri komandanınıñ cenk azırlığı boyunca muavini edi.
- 2014 senesi saban ayınıñ 1-nde Ukrayina Prezidentiniñ vazifesini yerine ketirgen Oleksandr Turçınovnıñ farmanınen Berezovskıy Ukrayina Arbiy Deñiz Quvetleriniñ komandanı olaraq tayin etildi. Saban ayınıñ 2-nde o, Qırımnıñ Rusiyege meyilli «akimiyeti» tarafına keçti ve oña sadaqat andı berdi. Aynı künü Ukrayina Mudafaa nazirliginiñ vazifesini vaqtınca eda etken şahısnıñ qararınen o, tutqan vazifesinden boşatıldı.
- 2014 senesi saban ayınıñ 2-nde Ukrayina Baş Prokurorlığı Berezovskıyğa qarşı Cinaiy Qanunnameniñ 111-nci maddesi (devlet hainligi) boyunca cinaiy dava açtı. Soñra Ukrayina Arbiy Deñiz Quvetleriniñ sabıq komandanı qıdıruvğa ilân etildi.
- 2014 senesi çiçek ayınıñ 20-nde fermannen Berezovskıy Rusiyeniñ Qara deñiz flotunıñ komandanınıñ muavini vazifesine tayin etildi.
Нагадаємо, раніше заочний вирок у державній зраді отримав колишній перший заступник командувача ВМС ЗСУ, віцеадмірал Сергій Єлісєєв. Його засудили до 15 років ув'язнення із позбавленням військового звання «віцеадмірал». У 2014 році, під час початку окупації Криму, він фактично виконував обов'язки командувача українського флоту, але відмовився виконувати накази керівництва держави, порушив військову присягу та перейшов на бік держави-агресора, повідомили у Офісі генпрокурора.
Hatırlatamız ki, evel Odesa şeeriniñ Prımorsk rayon mahkemesi, sabıq USQniñ Arbiy deñiz quvetleriniñ komandanınıñ birinci muavini Serğiy Yeliseevni 15 yılğa mahküm etti. Qırım işğal etilgende o, Rusiye tarafına keçti ve ukrayin reberliginiñ emirlerini yerine ketirmege red etti. 2014 senesi, Qırım işğali başlağanda, o, Ukraiyna flotunıñ komandanı vazifelerini eda etken edi, amma devlet reberliginiñ emirlerini yerine ketirmege red etti, arbiy antını bozıp, istilâcı devletniñ tarafını tuttı, dep ayttı Baş prokurornıñ Ofisi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
