Orta küz ayınıñ 13-nde Kıyivniñ Solomyansk rayon mahkemesinde işğal etilgen Qırımnıñ sabıq energetika naziri Serğiy Kolobovğa qarşı mahkeme oturışı olıp keçti. Ukrayin uquq qoruyıcıları onı devlet hainliginde qabaatlaylar. Adam 12 yıldan 15 yılğa qadar apis cezasını ala bilir.
Suspilne Qırım jurnalistleri mahkeme salonından dava tafsilâtlarını ögrendiler.
Mahkemeci qabaatını tanığanını sorağanda, Kolobov: «Yoq», — dep cevap berdi.
Onıñ advokatı Oleksiy Tsıbenko da imaye etkeni adamğa bildirilgen qabaatlavlarnı red ete.
«Bu cinayetniñ subyektiv tarafı şunda ki, şahıs, cenkiy vaziyet şaraitinde ya da silâlı zıddiyet vaqtında duşman tarafına keçkenini añlamaq kerek ve bunı istey. Aynı zamanda, qabaatlanğan areketler, birinciden, cenkiy vaziyetten ve Ukrayinanıñ silâlı zıddiyetni tanığanından tış keçti. Ekinciden, qabaatlanğan duşman tarafına keçüv areketlerini yapmadı ve çetel devletke, onıñ vekillerine Ukrayinağa qarşı bozuv faaliyetini alıp barmaq içün yardım köstermedi. (...) 6.03.2014 senesi o vazifege tayinlengen vaqıt, silâlı zıddiyet olğanını añlap olamay edi, çünki devlet onıñ obyektini tanımay edi», — dep yazdı advokat.
Aksine, qabaatlayıcı taraf, Kolobov öz areketleri ile Rusiyeniñ Qırımdaki işğalli rejimini qorçalağanını ve pekitkenini israr ete.
«O, istilâcı memleketniñ işğalli akimiyetiniñ vekili vazifesini eda etip, işğalli akimiyetniñ qanunsız sistemasınıñ çalışmasını temin etti, bu ise işğalli rejimniñ pekitilmesine yol açtı. (...) O, Ukrayina Ceza qanunnamesiniñ 111-inci maddesiniñ birincidevlet hainligi qısmında qayd etilgen cinaiy uquq bozuvında qabaatlana, yani Ukrayina vatandaşı tarafından Ukrayinanıñ suvereniteti ve topraq bütünligine, toqunılmazlığına, mudafaa qabiliyetine, devlet havfsızlığına zarar ketirmek içün yapılğan areket, silâlı zıddiyet şaraitinde duşman tarafına keçüv, çetel devletke Ukrayinağa qarşı bozuv faaliyetini alıp barmaqta yardım etüv. Tahqiqat vaqtında ağırlaştırıcı ya da yımşatıcı sebepler tapılmadı», — dep bildirdi prokuror.
Qorçalayıcı tedbir müddetini uzatmaq qararı baqılacaq kelecek mahkeme oturışı orta küz ayınıñ 22-ne belgilendi.
Serğiy Kolobov aqqında ne bilemiz
Serğiy Kolobov, 2014 senesi Qırım Rusiye tarafından işğal etilgen soñ, «Qırım yaqarlıq ve energetika nazirligi»niñ yolbaşçısı oldı.
Bu vazifede, tahqiqat malümatına köre, o, Rusiye qanunlarına köre Qırımnıñ energetik aktivleriniñ ğayrıdan qayd etilmesine yardım etti. Hususan, Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) issilik elektrostantsiyası, Tavriya SESsıcaqlıq elektrik stantsiyası, küneş ve yel elektrik stantsiyaları ağı, gaz merkezleri ve gaz kompressor stantsiyaları, Keriç ve Feodosiya (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerlerindeki neft bazaları aqqında söz yürsetile.
Taqiqat, işğalli ükümetten boşatılğan soñ, Rusiye Federatsiyası kontrol etken bir sıra çıqarma şirketiniñ müdiri olaraq çalışqanını belgiledi.
Lâkin 2026 senesi Kıyivge kelip, uquq qorçalayıcılar tarafından tutuldı. Kolobovnıñ evinde keçirilgen tintüv vaqtında Rusiye pasportları, bank kartları ve vesiqaları tapıldı. Tahqiqatçılarnıñ fikirince, olar onıñ Rusiye içün çalışqanını köstere.
Qırım Muhtar Cumhuriyeti ve Sevastopol (Aqyar) şeeri prokurorlığınıñ yolbaşçısı Nariman Süleymanov, Suspilne Qırımğa tefsirde, uquq qorçalayıcılar işğalli Qırım ükümetiniñ sabıq «yaqıt ve energetika naziri»niñ faaliyetini 10 yıldan ziyade qayd etkenini tarif etti.
Süleymanovnıñ qayd etkenine köre, şübelengen adam bir qaç ay bu vazife yapqanına baqmadan, onıñ areketlerine cinaiy-uquqiy qıymet kesmek içün bu yeterlidir.
«İnsan bu sektornı yahşı añlay edi ve işğalli memuriyetke yarımadanıñ strategik emiyetli energetik astyapısını kontrol etmege yardım etti. O, anda bir kün çalışıp çalışmağanı bizge müim degil. İşğalli akimiyet tarafından yañı teşkil etilgen nazirlik, ve o, bu nazirlikniñ yolbaşçılığını yapmağa razı oldı. Bu bizge yeter», — dep qayd etti prokurorlıqnıñ reisi.
Onıñ qayd etkenine köre, işğalli memuriyette çalışqan soñ adam Qırımda bir sıra işhaneniñ yolbaşçısı oldı, soñra ise Kıyivge köçti.
«O, qorantasınen beraber Kıyivde ev aldı. Daire qızı içün resmiyleştirildi. Avtomobil satın aldı ve pompa donatmalarınen oğraşqan şahsiy bir şirkette çalıştı. Müendis olaraq çalışa edi», — dep qoştı Süleymanov.
Süleymanovnıñ fikirince, şübelengen adam ukrayinalı uquq qorçalayıcılar onı taqip etmeyceklerini tüşüne edi.
«O, 65 yaşında. O, Ukrayinada daa yahşı olğanını tüşünip, Ukrayina uquq qorçalayıcı organlarınıñ lâqaytlığına işana edi. Asılında, er yerde serbest yaşamaq daa yahşıdır. O, tolu miqyaslı cenk sebebinden er kes onı unutqanını tüşüne edi», — dedi o.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
