Kıyivde 65 yaşındaki Ukrayina vatandaşını tuttılar. O, 2012 senesinden Qırımnıñ Yaqıtıcı, energetika ve innovatsiya siyasetiniñ naziri olıp, işğalden soñ «Qırım Cumhuriyetiniñ Yaqıtıcı ve energetika nazirligine» yolbaşçılıq etmege razı oldı. Onı satqınlıqta şübelendiler. Şimdi bu adam zalogsız tutulmaqta.
İlk yaz ayı 30-da «Feysbuk»ta Qırım Muhtar Cumhuriyet prokuraturası ve Sevastopol şeeri bu aqqında bildirdi.
«O, bu vazifede bulunğanda, qanunsız meydanğa ketirilgen ükümet organınıñ işini teşkil etti, em de yarımada territoriyasında yaqarı-energetika kompleksi saasında duşmannıñ siyasetini tasdiqlamağa isse qoştı», — qayd idarede ettiler.
Ukrayina Havfsızlıq Hızmetiniñ Qırım Muhtar Cumhuriyetindeki Baş İdaresi aydınlattı ki, bu yerde Aqmescit ve Sevastopol issilik elektrostantsiyaları, Tavriya TES, küneş ve yel elektrostantsiyaları ağı, gaz boruları ve gaz kompressor stantsiyaları, Kerç şeerindeki neft depoları ve Feno terminalları ve neft terminalları aqqında aytıla.
«Bunıñ kibi, «tayinlenüvden» soñ eki yıl içinde ücümci Qırım energetik aktivlerini agressor memleketniñ qanuncılığına köre integratsiya etmege ve «âñıdan cedvelge almağa» tırıştı», — dep haberde qayd etile.
Soñ adam andan istefağa çıqıp, bir qaç zenaat aktsionerlik şirketleriniñ «direktorı» oldı.
Bu sene o, Kıyivde yerleşti. Uquq qorçalav organlarınıñ hadimleri onıñ qayda olğanını belgilep, anda tintüvler keçirdiler, Rusiye vatandaşlığınıñ tışqı ve içki pasportlarını ve tehnikasını elge keçirdiler.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
