Üç ve yarım ayşıq habersizlikten soñ Qırım siyasiy mabüsi Serğiy Lıhomanovnı Rusiyeniñ Vladimir vilâyetindeki tüzetüv müstemlekesinde taptılar. O, işğalli akimiyet tarafından qanunsız sürette tayin etilgen cezasını ilk yaz ayınıñ 3-nde çekmek içün anda ketirildi.
Qırımtatar Resurs Merkezi bunı bildirdi.
QRMniñ malümatına köre, saban ayınıñ 4-ne qadar Lıhomanov Taganrognıñ 2-nci SİZOda bulunğan edi, bundan soñ «ortaqçı» Ruslan Şvets-Çornıyğa qarşı dava boyunca tahqiqat tedbirleri içün onı Simferopolğa (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adke) etap ettiler. Çiçek ayınıñ 17-nde o, qorantasına tek bir kere telefon etti — o, Krasnodardaki 1-nci SİZOda bulunğanını ayttı.
Mayısnıñ 11-nde yaqınları Lıhomanovnıñ Saratovda bulunması mümkün olğanı aqqında malümat aldılar. Aynı zamanda, QRMniñ malümatına köre, onıñ soñki noqtası «Vladimirskıy tsentral» FCMFederal cezalandıruv müessisesi Aapishane-2 olmaq kerek edi. Bundan soñ onıñ bulunğan yeri aqqında tasdıqlanğan malümat ilk küz ayınıñ 10-na qadar yoq edi.
Serğiy Lıhomanov — Ukrayina vatandaşı ve Rusiye işğalli akimiyeti tarafından eki kere mahküm etilgen Qırım siyasiy mabüsidir. 2024 senesi mayıs ayında işğalli «mahkeme» oña patlayıcı maddelerniñ qanunsız saqlanuvınen bağlı beş yıllıq apis cezasını berdi. 2025 senesi orta küz ayında o, «devlet hainligi» ve «terroristik eylem azırlağanı»nda qabaatlanıp, daa 15 yılğa üküm etildi.
QRM, Lıhomanovnıñ sağlıq meseleleri ve devamlı tedaviylevniñ kerekligi aqqında da bildire. Uquq qorçalayıcı teşkilâtnıñ malümatına köre, onıñ bir qaç hronik hastalığı, şu cümleden, bağırsaq ve omurğa hastalıqları, büyük büyrek şişigi ve tirsekteki yañı şişigi bar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
