Qırımda işğalciler 27 yaşındaki Feodosiya (İçki) rayonınıñ sakinini «devlet hainligi» içün qanunsız sürette mahküm ettiler. Oña qarşı, UHHUkrayina Havfsızlıq hızmetiniñ emirlerine köre, Rusiye yüksek vazifeli şahısınıñ öldürüvini azırlağanında qabaatlavlar uydurıldı. «Taqiqat»nıñ malümatına köre, o, qatilge para, patlayıcı ve silâ teslim etmek kerek edi. İşğalli «mahkeme» oña 21 yıllıq apis cezasını berdi, 400 biñ rublelik (≈200 biñ ğrn — muar.) para cezasını tayin etti ve 1 yıl 10 ayğa azatlıqtan marum qaldırdı. Siyasiy mabüs Mamut Belâlov aqqında laf kete bile.
İlk küz ayınıñ 9-nda işğalli Qırım «prokurorlığı» bunı bildirdi.
«Feodosiya (Sovet) rayonınıñ 27 yaşındaki sakini 2022 senesi yazda Ukrayina Havfsızlıq hızmetiniñ vekili ile bağ qurğanını belli oldı. Müdirniñ talimatınen o, yüksek memurlardan birisiniñ öldürilmesine azırlanuvda iştirak etti. Mahküm etilgen adam icracığa para, silâ ve silâlı yedeklerni, em de patlayıcı aletlerni teslim etmek kerek edi, lâkin vazifesini eda etip olamadı, çünki Rusiye FSBniñ Qırım Cumhuriyeti ve Sevastopol (Aqyar — terciman) şeerindeki idaresiniñ hadimleri tarafından tutulğan edi», — dep qayd etildi haberde.
«Prokurorlıq»nıñ malümatına köre, adam daa evel qanunsız şekilde mahküm etilgen edi. O vaqıt o, sert rejimli tüzetüv müstemlekesinde12 yılğa mahküm etildi, bundan soñ azatlıqtan marum etüv müddeti 1 yılğa qısqartıldı ve 350 biñ rublelik (≈175 biñ ğrn — muar.) para cezası berildi. Şimdi ise qanunsız ceza daa sert oldı.
2025 senesi ilk qış ayında «Kassatsiya mahkemesi» bu müddetni 11 yıl ve 6 ayğa qadar qısqarttı, para cezasını ise — 300 biñ rublege (≈ 150 biñ ğrn.) qadar.
İşğalciler qanunsız mahküm etilgen Qırım sakinleriniñ adlarını aytmaylar. Amma berilgen malümatqa köre, söz Mamut Belâlov aqqında kete bile. 2024 senesi Simferopolnıñ (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adniñ) Kıyiv rayon mahkemesi Mamut Belâlovnıñ davasında üküm çıqardı — onı silâ saqlağanında ve Qırım kurort ve turizm nazirliginiñ sabıq yolbaşçısı Vadım Volçenkonı öldürmege azırlağanında qabaatladılar. Volçenko özü bir million ruble miqdarında maneviy zarar tazminatını talap etti.
«Mahkeme»niñ qanunsız ükmünden soñ onı işğal etilgen Qırımdan Volgogradğa 19-ncı apishanege etap ettiler. 2025 senesi orta küz ayında siyasiy mabüsni Simferopoldaki (Aqmescitteki) 2-nci SİZOfa sert bir şekilde köteklegenleri belli oldı. O vaqıt uquq qorçalayıcılar oña qarşı taqiqat tedbirleri yañıdan başlatılğanını tahmin ete ediler.
«Bilgenime köre, keçenlerde Mamutnı FSB binasına alıp ketkenler, advokatı olmağan yerde onı qorqunçlı şekilde sorğuğa çektiler. Qırımdaki Rusiye işğali adalet sisteması aqqında bilmek kerek olğan er şey budır. İşkence Qırımda işğalciler tarafından qullanılğan printsiplerge köre yapıldı: Ukrayina qanunlarını körmemezlikke uramız, halqara uquqnı — eşitmedik ve eşitmege istemeymiz, Rusiye qanunlarını — kimge isteseñiz, er şeyni yapıñız!», — dep yazdı Facebookta Qırımtatar resurs merkeziniñ idare reisi, Qırımtatar Milliy Meclisiniñ azası Eskender Bariyev.
Eskender Bariyevniñ sözlerine köre, işğalciler Mamut Belâlovnı bir qaç kere kere köteklediler.
«O, 09.09.2022 senesi tutulğan soñ "qattı işkence"ge oğratıldı, işğalciler "oña iç bir alâqası olmağan cinayetke itiraf etmege zorladılar" ve "itiraflar"nı ileride tarqatmaq içün kamerağa yazıp aldı. keçenlerde Rusiye işkencege qarşı Avropa şartnamesini lâğu etip, işkencege qarşı yasaqlav, onıñ ögüni aluv ve nezaret etüv mehanizmlerini ilân etkenini köz ögüne alsaq, Rusiye taqip etilgen işkencege qarşı areket etkenlerge, qırmızı sızıqlar olmağanını ve qurbanlarnen isteseler, er şey yapmaq mümkün olğanını bildirdi, çünki Rusiye insan aqlarınıñ bozuluvlarını devletniñ içki işi olaraq sayıp, bundan ğayrı bir şey yapmay», — dep qoştı Bariyev.
Bu sene mayıs ayında Qırımtatar resurs merkeziniñ (QRM) idarecisi Zarema Bariyeva bildirdi ki, işğalciler Mamut Belâlovğa qarşı qanunsız şekilde «devlet hainligi» boyunca yañı cinaiy dava açtılar.
Mamut Beyalov şimdi 27 yaşında. O, Feodosiya (İçki) rayonında yaşay edi.
İlk küz ayınıñ 9-nda Eskender Bariyev bildirdi ki, onıñ malümatına köre, kerçekten de Mamut Belâlov aqqında söz yürsetile. Onıñ sözlerine köre, işğalciler, 2022 senesi ilk sefer tutulmadan evel Belâlovnıñ qullanğanı VAZ 2111 maşinasını tutıp aldılar. Bu, daa dört yıldan soñ oldı — endi ekinci cinaiy dava çerçivesinde. Avtomobil 27.05.2026 senesi tevqif etildi ve 2027 senesi kiçik aynıñ 17-ne qadar devam etecek.
«Bir daa qayd etmek isteyim ki, Mamut Belâlovnıñ davası tek degildir. İşğalciler ukrayinalılarnı tekrar apiske alalar, olarğa qoşma qabaatlavlar qoyalar ya da birinci ceza müddetinden soñ apiske alalar. Bu, hususan, Serğiy Lıhomanovnen oldı, Ğennadiy Lımeşko ve Oleksandr Doljenkov ise, birinci qanunsız apis müddetini tolusınen keçken soñ, ekinci qanunsız ükümlerini aldılar. Bu üküm daa bir kere isbatlay ki, Rusiyede mahkeme yoq, tek ceza organları bar. Bu tamamınen ceza mahkemesidir, qanunnıñ bozulğan ve insan ayatı qıymetsiz sayılğan raşkaRusiye Federatsiyasınıñ ananeleridir. İşğalcilerniñ «adalet» olaraq tanığanları şeyniñ ne qanunlarnen, ne de mantıqnen alâqası bar», — dep yazdı Bariyev.
Yarın, ilk küz ayınıñ 10-nda, Mamutnıñ Feodosiyada (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) qanunsız tutulğanından tam dört yıl ola.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
