İşğal etilgen Qırımda 27 yaşındaki qırımtatar Mamut Belâlovğa qarşı yañı cinaiy dava açıldı. Daa evel o, "Qırım kurort ve turizm naziri" Vadim Volçenkonı öldürmege ıntılğanı" içün 12 yılğa üküm etilgen edi. Bu sefer onı "devlet hainligiRF CQniñ 275-nci maddesi"nde qabaatlaylar.
Mayısnıñ 20-nde Facebookta Qırımtatar resurs merkeziniñ (QRM) idarecisi Zarema Bariyeva bunı bildirdi.
Onıñ sözlerine köre, siyasiy mabüsge qarşı yañı dava vaqtınca işğal etilgen topraqlarda Ukrayina vatandaşlarını taqip etüvniñ daa bir misalidir.
"Bu körüşüv vaqtında sorğu yapıla. Tahqiqatçı nevbetten nevbetke qabaatlanğannı, soy-soplarını çağıra, malümat ala, advokat olmağanda, memleketteki siyasiy vaziyet, Ukrayinağa nisbeten munasebet ve SVORusiye akimiyeti Ukrayinağa qarşı 2022 senesi kiçik aynıñ 24-nde başlatılğan cenkni böyle adlandırağa qol tutuv aqqında provokativ sualler bere. İşğalli akimiyet qanunsız mahküm etilgen Mamut Belâlovğa ve onıñ tuvğanlarına böyle bir ruhiy basqı yapa, çünki olar, er şeyni birinci satırdan soñki satırğa qadar sahtelep, açılğan ekinci cinaiy dava içün malümat toplaylar", — dep aq qorçalayıcı qayd etti.
Bariyeva bildirdi ki, 2025 senesinden berli Belâlov Simferopoldaki (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad teki) 2-nci SİZOtaqiqat izolâtorıda tutula. Onı muntazam sürette FSB binasına sorğuğa alıp keteler, anda ise tuvğanları 3-4 saat devamında körüşmege davet etile. Olar video ve audio kameralar vastasınen, quvetçilernen beraber keçirile ve esasen advokatsız sorğuğa çevirile.
QRMniñ idarecisi bildirdi ki, qırımtatar 3 yıl 8 ay devamında qanunsız alda tutula. Sağlığı fenalaşıp tura. Bundan da ğayrı, adamğa soy-soplarınen körüşmege ve olarğa telefon etmege imkân bermeyler.
O hatırlattı ki, Mamut Belâlov 2022 senesi İçki (Sovetskiy) köyünde sabıq "Qırım kurort ve turizm naziri" Vadim Volçenkonı öldürmek ıntıluvında qabaatlanıp qanunsız apiske alınğan edi.
2024 senesi boş ayda işğalli mahkeme oña 12 yıllıq apis cezasını, 350 biñ ruble para cezasını ve Volçenkoğa 1 million ruble tazminatını berdi. Daa soñra apis cezası 11 yıl ve 6 ayğa qadar, para cezası ise 300 biñ rublege qadar qısqartıldı.
Bundan evel Eskender Bariievniñ bildirgenine köre, belli olmağan sebeplerden işğalciler onı Volgogradğa etap etken soñ işğal etilgen Qırımğa qaytardılar.
"Bilgenime köre, keçenlerde Mamutnı FSB binasına alıp ketkenler, advokatı olmağan yerde onı "qorqunçlı şekilde" sorğuğa çektiler. Qırımdaki işğalli Rusiye adalet sisteması aqqında bilmek kerek olğan er şey budır. İşkence Qırımdaki işğalcilerniñ esaslarına köre yapıldı: Ukrayina qanunlarını körmemezlikke uralar, halqara uquqnı eşitmediler ve eşitmege istemeyler, Rusiye qanunlarını — istegenlerini istegenlerinen yapalar!", — dep Bariiev yazdı.
Eskender Bariiev tarif etti, işğalciler Mamut Belâlovnı bir qaç urdılar.
"Onı 09.09.2022 apiske alınğan soñ "qattı işkencege" oğrattılar, işğalli akimiyet "oña iç bir alâqası olmağan cinayet işlegenini kamera ögünde itiraf etmesini talap ettiler", — dep Bariiev añlattı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
