Kanada Tış İşler nazirligi, tamır halqlarına «qol tutuv» aqqındaki Rusiye sahte haberleriniñ doğru olmağanını isbatladı ve işğal etilgen Qırımda qırımtatarlarnıñ taqip etilgenini hatırlattı.
Arman ayınıñ 25-nde nazirlik bu malümatnı öz saytında neşir etti.
«Qırım tamır halqı olğan qırımtatarlar, 2014 senesi Rusiyeniñ olarnıñ tuvğan yurtunı qanunsız ilhaq etkeninden berli, ciddiy insan uquqları buzulmalarına, şu cümleden taqiplerge ve zorlıqnen ğayipke oğraylar. Qırımtatarlar ve tamır halqlarını temsil etken uquq qorçalayıcılar, sert şaraitte, şu cümleden bir kişilik kamераlardа qanunsız şekilde tutalar», — dep qayd etildi haberde.
Bundan ğayrı, Kanada tış siyaset idaresi tenbiyeledi ki, Rusiye akimiyeti, diniy obyektlerni yoq etip, olarnıñ tamır halqı statusını inkâr etip ve qırımtatarlarnıñ öz-özüni idare etici organı olğan Meclisni yasaqlap, qırımtatarlarnıñ tarihını ve medeniy mirasını yoq etmege tırışa.
Hatırlatamız ki, Soçide Rusiye quvetçileri, Qırımnıñ 55 yaşındaki sakinini hırsızladılar, çünki, taqiqatnıñ iddiasına köre, pasport tekşerüvinde tutulğan soñ, onı Ukrayina Silâlı Quvetlerine sadaqa bergeni içün «devlet hainligi»nde qabaatladılar.
Onı, «itiraf»nı imzalatmaq içün azapladılar. Bundan soñ qadın 15 senege mahküm etildi.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
