Qırımtatar siyasiy mabüsi Appaz Kurtametniñ doğğan künü alman stilisti Frank Vilde halqara cemaatnı, Rusiyeniñ ukrayin vatandaşlarına qarşı qanunsız taqiplerini sessiz keçirmemege ve olarnıñ azat etilmesi içün ğayret köstermege çağırdı. Arman ayınıñ 19-nda siyasiy mabüs 24-nci doğğan kününi qayd ete, işğalli Qırım «mahkeme»siniñ qanunsız üküminen o, sahte qabaatlavlar sebebinden Rusiye müstemlekesinde 7 sene keçirmek kerek.
Arman ayınıñ 19-nda o, öz Instagram saifesinde bu aqqında yazdı.
«Bugün, Rusiyedeki eñ yaş siyasiy mabüsniñ 24-nci doğğan künü. Appaz Kurtamet, tolu miqyaslı istilâğa qadar malümat tehnologiyaları şirketinde çalışa edi ve Odesadaki Qırımtatar halqınıñ Medeniyet merkezinde qırımtatar tili derslerini alıp bara edi. 2022 senesi oraq ayında Rusiye işğalcileri onı Herson vilâyetiniñ Novooleksiyivka köyünde qanunsız şekilde tuttılar. 2023 senesi çiçek ayında işğalli Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad — terciman) «mahkemesi» yaş adamnı, Rusiye cinaiy qanunnamesiniñ 208-nci maddesiniñ 1-nci qısmında közde tutulğanı kibi, sözde «terrorizmni maliye etkeni»nden qabaatlap, apishane müstemlekesinde yedi senege mahküm etti. Biz halqara cemaatnı, vaqtınca işğal etilgen Qırımdaki insan uquqları bozmaları aqqında sessiz qalmamağa ve Rusiyeniñ ukrayin vatandaşlarına qarşı taqiplerini toqtatmaq içün acele ğayret köstermege çağırmalımız. İç bir zaman Rusiyeniñ cinayetleri aqqında laf etmekten vazgeçmeñiz — siziñ sesiñiz müimdir», — dep yazdı daa Qırım siyasiy mabüsi Boğdan Zizanıñ mentorı olğan Frank Vilde.
Appaz Kurtametniñ tutulması aqqında ne bilemiz
2022 senesi oraq ayınıñ 23. künü Appaz Kurtamet Novooleksiyivka qasabasından Qırımğa aqrabalarına ketti. «Çonğar» KÇKNda aqrabalarınen bağını coydı.
Birazdan belli oldı ki, RF Cinaiy qanunamesiniñ 208. maddesiniñ 1. qısmına binaen Appaznı terror teşkilâtına para bermege qabaatlağan rus quvetçileri oğlannı tuttılar. Taqiqatçılarnıñ sözlerine köre Appaz, «Noman Çelebicihan adına batalyon»da hızmet etken tanışına borc 500 grivna berdi.
Qırımtatar Maaliy Merkezi haber berdi ki, bu «dava»da qabaat, «gizlengen şaatlar»nıñ sözlerine ve rus quvetçilerinen faalca çalışqan böyle degen «mütehassıslar»nıñ neticesine esaslana. Davanen bağlı oturışlar, halqara uquq qaidelerini ciddiy şekilde bozdı, dep Merkez belley.
Umumen belli oldı ki, işğalli makeme Kurtamet içün 10 senelik üküm soradı.
2023 senesi çiçek ayınıñ 20. künü RF tarafından teşkil etilgen Aqmescit makemesi Appaz Kurtametni ukrain göñülli batalyonına para bermege qalaatlap, yedi senege maküm etti.
У серпні 2025 року його вдруге за два місяці помістили в ШІЗО — без жодних підстав, повідомила його мати Айше Куртамет.
2025 senesi arman ayında o, eki ay içinde ekinci kere ŞİZOğa (ceza izolâtorına) sebepsiz qatattılar, dep haber berdi onıñ anası Ayşe Kurtamet.
2026 senesi qara qış ayında Appaz Kurtamet Rusiye Pskov vilâyetindeki müstemlekede buluna edi. Onıñ anasınıñ aytqanına köre, oğlu şimdi qanunsız sürgünlikte tikiş işhanesinde çalışa, ingliz tilini ögrene ve kitap oquy.
Apaz Kurtametniñ babası da qanunsız sürgün etilgen edi. Appaznıñ anası aytqanı kibi, qara qış ayında oğlannıñ babası Çongar SİZOsında buluna edi. İşğalciler onı etap etmege planlaştıralar. Melitopolda onıñ ükmü deñiştirilmedi.
Hatılatamız ki, «Serbest Qırımğa mektüpler» teşebbüsi çerçivesinde ukrayin yırcısı Tina Karol, eñ yaş qırımtatar siyasiy mabüslerinden biri, qırımtatar tili ocası ve IT-mütehassısı Appaz Kurtametniñ mektübini oqudı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
