58 yaşındaki ağır hasta olğan Qırım siyasiy mabüsi Lenur Halilov Rusiye apishanesinde ciddiy ağrı sindromını çeke. Belli oldı ki, onı Rusiye Federatsiyasınıñ Arhangelsk vilâyetindeki apishane hastahanesiFederal Cezalandıruv hızmetiniñ Arhangelsk vilâyetindeki İdaresiniñ vilâyet hastahanesinde tutalar, anda ekimler kerekli tedaviylev yerine «Tramadol» ağrı kesicisini oña yazğanlar.
Uquq qorçalayıcılardan menba Suspilne Qırımğa bu aqqında haber berdi.
Lenur Halilov metastazlarnen qara ciger kanseri, hronik C gepatiti, gipertoniya çeke, onıñ qara ciger ve büyrekler şişikleri bar. Evel aqrabalar ve uquq qorçalayıcılar, dörtünci basamaqta olğan kanser hastalığı sebebinden acele tibbiy yardım ve adekvat ağrı kesicige muhtac olğanıı bildirdiler. Mevcu malümatqa köre, «Tramadol«Tramadol» opioid ağrı kesicilerine aittir ve ağrı sindromı içün qullanıla, adiy narkotik olmağan ağrı kesiciler yetmey.» berilmeden evel oña «Analgin» ağrı kesicisi berile edi.
Evel RF Federal Cezalandıruv hızmetiniñ sistemasından ekimler oña «Sorafenib» yazıp berdiler. Bu, bazı kanser türlerini tedaviylemek içün qullanılğan şişiklerge qarşı ilâçtır. Faqat, siyasiy mabüsniñ ailesiniñ sözlerine köre, Lenur Halilovğa ilâçnıñ menfiy neticeleri tesir etip, onıñ umumiy alını beterleştirdi. Oña yazılğan terapiya oña ağrı aşmağa yardım etmey edi.
«Tramadol» ağrı kesicisini qullanğanına baqmadan, Halilovnıñ alı ağır olıp qala. Uquq qorçalayıcılar oña kerekli tibbiy yardım kösterilmesini ve azatlıqta tedaviylenmek ve yaqınlarına yaqın olmaq içün onı deral azat etmege talap eteler.
Qanunsız apiske alınğanına qadar Lenur Halilov Aluşta rayonınıñ İzobilne köyünde «Aluşta» mustaqil musulman cemiyetiniñ reisi edi. O, diniy bayramlarnı teşkil ete, qorantalarğa cenaze ve tantanalı merasimlerde yardım ete, cemiyetke er künlik yaşayışta yardım ete edi.
2019 senesi onı Qırımdaki miqyaslı tintüvlerden soñ yaqaladılar, Rusiye Federatsiyası Cenübiy bölge arbiy mahkemesi Halilovnı «Hizb ut-Tahrir davası»nda Aluşta gruppası çerçivesinde «terroristik gruppası»nıñ teşkilâtçısı olaraq tanıdı. Lenur Halilov qanunsız alda sert rejimli müstemlekede 18 yılğa üküm etildi.
2024 senesi arman ayınıñ 20-nde İsakogorsk rayon mahkemesiniñ qararına binaen, o, müstemlekede apis cezasından sağlıq vaziyeti sebebinden azat etildi. Onıñ hastalıqları Rusiye Federatsiyası ükümetiniñ 54-nci qararınen tasdıqlanğan cedvelge kirsetile, oña köre, insan «umumiy rejimli müessisede tutulamaz» ve ihtisaslı tibbiy müessisede tedaviylevge muhtac.
2025 senesi arman ayınıñ 23-nde evine, Qırımğa qayttı. Orta küz ayınıñ ortasında Arhangelsk vilâyet mahkemesi prokurornıñ muracaatını qanaatlendirip, Halilovnı apishanege qaytarmağa qarar berdi, boş aynıñ 7-nde ise Halilovlarnıñ evine Aluştadan işğalli uquq qoröakayıcılarından dört kişi keldi.
Hizb ut-Tahrir, islâm siyasiy fırqasıdır. 2003 senesi Rusiyede o, terrorcı bir teşkilât olaraq tanındı, oña bağlı olğan insanlarnı ise taqip etmege başladılar. İştirakçileri, «qanunlarğa qarşı faaliyet»te ve böyle degen «cian hilâfeti»ni yaratmağa ıntılmağa qabaatlanalar. 2014 senesi Qırım işğal etilgen soñ işğalcilerniñ qanunları zapt etilgen Qırımda da qullanılmağa başlandı. Qırımlı musulmanlarnı da Hizb ut-Tahrirge bağlı olmaqta qabaatlamağa başladılar, böylece yarımadanıñ işğaline qarşı olğanı sebebinden qırımtatarlarğa basım arttı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
Bizni Google Haberlerinde oqumaq içün Suspilne Qırımnı saylanğan mevzularda saylañız
