Azat etilgen siyasiy mabusı Lenur Halilov, işğal etilgen Qırımğa qaytıp keldi – onı Simferopol (Aqmescit) Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adıvokzalında qarşıladılar.
Bu aqta "Qırım birdemligi" haber ete.
""Aluşta gruppası" Hizb ut-Tahrir* işinde mahküm etilgen sabıq siyasiy mabüs ve "Aluşta" mustaqil musulman cemiyetiniñ sabıq yolbaşçısı Lenur Halilov Moskvadan poyezdnen Simferopolge (Aqmescitke)Rusiye imperatorlığı ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adı keldi. Onı stantsiyada soy-soplar, faalciler, em de Edem Semedlâyev ve Nazim Şeyhmambetov qarşıladılar", – denile beyanatta.
Hatırlatayıq, Aluştalı 57 yaşlı imam sağlığı sebebinden cezasını tolduruvından azat etildi, onıñ qanser hastalığı tapıldı.
"Yüce Taalânıñ iradesinen bu kün keldi. Ebet, men azat olğanım, bütün bu qıyınlıqlar artta qalğanım içün quvançnen tolıp-taşam. İleride bizni ne beklegeni belli degil. Amma bugün azat olmaq quvançlıdır", – dedi Halilov kelgen soñ.
Arman aynıñ 20-de İsakogorsk şeeriniñ Arhangelsk rayon mahkemesi, Halilovnı azat etmek aqqında qararını qabul etti.
"Mahkeme hastalıq sebebinden cezadan azat etmek aqqında Rusiye Federatsiyası Cinaiy kodeksiniñ 81-nci maddesinen idare etti. Azat etilmeniñ sebebi onıñ hastalığı apiske alınmağa mania olğan cedvelge kirsetilgeni edi", – deyler haberde.
İmam Lenur Halilov, "Aluşta Hizb ut-Tahrir" gruppasınıñ işiniñ iştirakçisidir, 18 yıl apiske mahküm etildi. 2022 senesi orta küz ayından başlap, eki yıldan ziyade Volodımır adına Merkeziy apishanede bulundı. 2025 senesi uvut ayından başlap Arhangelsk şeerindeki 1-nci sanlı koloniyada qanunsız cezasını keçirdi. İşte, bu basamaqtan soñ siyasiy mabus yarım yıl apishane hastahanesinde qaldı. O, bu sene 57 yaşını toldurdı.
Lenur Halilov aqqında ne bilemiz
Lenur Halilov — "Aluşta" mustaqil musulman cemiyetiniñ sabıq reisi.
2019 senesi ilk yaz ayınıñ 10-nda Qırımda dört qırımtatar musulmanınıñ evinde OMON, mahsus hızmetleri ve Aşırıcılıqnen küreş merkeziniñ hadimleri tarafından kütleviy tintüvler keçirildi. Aluştada quvetçiler imam vazifelerini eda etken Ruslan Nagayevni ve iş adamı Eldar Kantımırovnı, Malıy Mayak (Büyük Lambat) köyünde — Ruslan Mesutovnı, İzobilne (Körbekül) köyünde ise — Lenur Halilovnı tuttılar.
Em Mesutov, em de Halilov yerli din cemiyetleriniñ yolbaşçıları ediler. Apiske alınmazdan evel olar cemaat faaliyetinen oğraşa ediler: musulman bayramlarını teşkil ete, cenazelerge yardım ete, vesiqalarnı resmiyleştire, namaz keçire ediler.
2021 senesi arman ayınıñ 16-nda Cenübiy bölgeniñ arbiy mahkemesi Hizb ut-Tahrir davasınıñ "Aluşta gruppası"nıñ mebüslerine üküm çıqardı. Nagayev ve Kantımırov 13 ve 12 yılğa, Halilov ve Mesutov 18 yılğa üküm etildi. Soñkileri "terroristik gruppası"nıñ teşkilâtçıları, Nagayev ve Kantımırov ise onıñ iştirakçileri olaraq tanıldı.
Hizb ut-Tahrir – islam siyasiy fırqası. 2003 senesi Rusiyede onı terroristik teşkiyatı kibi tanıdılar, oña ait olğanlarını ise taqip etmege başladılar. İştirakçılarnı "qabarcılıqqa qarşı faaliyetinde" ve "dünyaara hilâfet" degenini teşkil etmege ıntıluvında qabaatlaylar. 2014 senesi Qırımnıñ işğalinden soñ işğalciler zapt etilgen Qırımğa öz qanunnamesiniñ areketini tarqattılar. Böyleliknen, yarımadanıñ işğalinen razı olmaması içün qırımtatarlarına basqısını quvetleştirip, Hizb ut-Tahrir-ge alâqasında qırım musulmanlarnı da qabaatlamağa başladılar.
Telegram, WhatsApp, Facebook ve YouTube-ta Suspilne Qırım haberlerine abune oluñız
