Yaqın künlerde işğal etilgen Qırımdaki "Hersones" cenk ve iklim sebebinden telükege oğrağan dünya mirası cedveline kirsetile bilir. Oraq ayınıñ 19-ndan 29-na qadar Koreya CumhuriyetiCenübiy Koreya olaraq da belli olğan, Şarqiy Asiyadaki bir memleket, Koreya yarımadasınıñ cenübiy qısmında buluna ve şimalde Şimaliy Koreyanen sıñırlananiñ Pusan şeerinde UNESCOTasil, ilim ve medeniyet meseleleri Birleşken Milletler Teşkilâtı Dünya mirası eyyetiniñ 48 sessiyası keçirilecek.
France 24 bu aqqında yazdı.
"Rusiyeniñ 2014 senesi Ukrayinada bir taraflı olaraq işğal etkeni Qırım yarımadasındaki qadimiy yunan "Hersones" qasabası da ola bilir. Ukrayina, Rusiyeniñ Qırımğa istilâsından soñ, ruhsetsiz qazma, büyük qurucılıq leyhaları ve artefaktlarnıñ köçürüvi telükesi altında olğanını bildire", — dep qayd etildi haberde.
Hersones — Şimaliy Qara deñiz yalısındaki qadimiy yunan meskün yeri. VI asırda qadimiy yunanlar tarafından qurulğan şeer, bölgeniñ müim siyasiy, iqtisadiy ve medeniy merkezi oldı. 2013 senesi arheologik abide UNESCO Dünya mirası cedveline kirsetildi. Hersones ve onıñ horası aman-aman bütün Sevastopolnıñ (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adnıñ) toprağını qaplap alalar.
Bundan evel Suspilne Qırım işğalli "Qırım medeniyet nazirligi" Hersones qoruğınıñ toprağında mesken qurucılığına izin bergenini bildirdi. Avropa Birliginiñ Şurası Rusiyege qarşı 17-nci sanktsiyalar paketini tasdıqladı. Şu cümleden, Qırımda medeniy mirasnıñ hırsızlanmasına qarşı sıñırlavlarnı kirsetti. Cedvelge Sevastopoldaki (Aqyardaki) "Hersones" müzey-qoruğınıñ işğalli müdiri Olena Morozova kirdi.
Rusiye arheologlarınıñ Qırımnıñ medeniy mirasını nasıl hırsızlağanları ve onı teşviqat aletine çevirgenleri aqqında Suspilne Qırımnıñ maqalesinde oquñız.
