Ukrayina Mudafaa quvetleriniñ ücümleri sebebinden Rusiye işğal etilgen Qırımğa "özen-deñiz" tankerlerinen yaqarlıq ketirmek mecbur. "Suspilne Studiya" canlı yayınında Milletlerara energetik ve havfsızlıq munasebetleri mütehassısı Mıhaylo Ğonçar böyle logistika ne içün sıñırlı olğanını añlattı.
Onıñ aytqanına köre, USQ Qırımğa quru koridornı "ölüm yolu"na çevirdi, Qırım köprü ise şimdilik ctssternalı eşalonlarnı keçirmek içün çalışıp olamay. Bundan da ğayrı, ruslarnıñ yaqarlıqnıñ vaqtınca saqlanmasınen bağlı meseleleri bar edi, çünki Keriç ve Feodosiyada (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) şeerlerindeki yaqarlıq rezervuarları Ukrayina Mudafaa quvetleriniñ ücümleri neticesinde yandı.
"Ukrayina mudafaa quvetleriniñ areketleri neticesinde işğal etilgen Qırımnıñ qapatıluvına köre, olarnıñ "özen-deñiz" tankerlerinen yaqarlıq ketirmekten ğayrı çare yoq. Bu tankerler deñiz tankerlerinen qıyaslanamaz. Olar eñ çoq 8 biñ tonna yaqarlıq taşıy bile ve sovet zamanında azırlanğan edi. Şimdi Qırımdaki vaziyetni al etmek içün acele adımlar atıla ve olar "özen-deñiz" tankerleri kervanlarını yollamağa qarar aldılar, biz ise olarnıñ başına kelgenlerni köremiz", — dep añlattı Gonçar.
Onıñ aytqanına köre, bütün "özen-deñiz" tankerleriniñ sayısı 150-den ziyade degil. Çoqusı sovet devirinden qalğan. Bugün Mudafaa quvetleri Keriçte 72 saat içinde 21 gemini urdı, dep bildirdi USQniñ İSQUkrayina Silâlı quvteleriniñ İnsansız sistemalar quvetleriniñ komandanı Robert Brovdi "Madâr": Keriçte 19 kölge flotunıñ tankerleri, 1 quru yük taşıyıcısı ve 1 paromı.
"Bu yerde areketler: "Bir şey olsa, bir şey olacaqtır" printsipi boyunca yapıla. Bu tanker flotunı daa ziyade, eger "Kaspiy-Volga-Don-Azov-Qara deñiz" suvlarını alsaq, olarnıñ sayısı 150-ge yete. Bunıñ içün daa yanacaq şeyler bar. "Özen-deñiz" sınıfı tankerleriniñ çoqusı eski, 40-50 yaşında. Amma daa bir qaç on yañı tanker de bar. Şunıñ içün olar çaresiz bir şekilde qaçmağa tırışacaqlar. Amma Mudafaa quvetleriniñ areketleri bunıñ muvafaqiyetli olmaycağını köstere", — dep yekünledi mütehassıs.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
