Rusiye akimiyeti bu yazda Rusiye Federatsiyası ve Ukrayinanıñ vaqtınca işğal etilgen topraqlarından Qırım kurortlarına balalar içün yolcu biletlerini satın ala. Umumen tahminen 200 biñ Qırımlı bala ve Zaporijjâ, Herson, Donetsk, Luğansk vilâyetlerinden ve Rusiyeniñ Kursk vilâyetinden 1 150 balanı "sağlıqlaştırmağa" planlaştırıla.
İlk yaz ayınıñ 3-nde "Qırım.Aqiqat" neşiriniñ tahqiqatında söz yürsetile.
Jurnalistlerniñ malümatına köre, söz Sankt-Peterburg, Tomsk, Hantı-Mansiysk ve Rusiyeniñ diger vilâyetleriniñ devlet bücetlerinden on millionlarnen ruble aqqında kete.
Hususan, Hantı-Mansiysk akimiyeti Bağçasaray rayonınıñ Pişçane köyünde balalar içün çantalarnı satın aldı. Tomsk vilâyeti Qara deñiz yalısındaki balalarnıñ sağlamlaşması içün aman-aman 10 million ruble masraf etti. Volgograd vilâyeti Qırım kurortlarına saqat ve BTFBala tserebral felçi olğan balalarnı yollay.
"Qırım.Aqiqat"nıñ bildirgenine köre, Rusiye akimiyeti bunı Ukrayina Mudafaa quvetleriniñ işğal etilgen Qırımda arbiy obyektlerge muntazam ücümlerine, yaqarlıq qıtlığına ve Sudaqtan Sevastopolğa (Aqyarğa) qadar yalıda yañı mazut lekelerine baqmadan yapa. Nezaret şurası resmen neft kirligini red ete.
Neşirniñ bildirgenine köre, "Rusiye qartalçıqları" ve "Birinciler areketi" Rusiye arbiy areketleriniñ iştirakçilerine ayrı diqqat ayırıla. Olar içün Qırımda 28 profil deñişüvi teşkil etile.
Hatırlatamız ki, Rusiye işğal etilgen Qırımda balalarnı arbiyleştirmege devam ete. Onıncı sınıf talebeleri içün arbiy oquv toplaşuvları devam ete, Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte) "Biz — ğalebe mirasçısı" teşviqat festivali keçti, Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) ise "Birinciler areketi"niñ bölügi açıldı.
Suspilne Qırım muarririyeti işğalcilerniñ yarımadada ukrayin balalarınıñ arbiyleştirilüvi aqqında açıq bildirüvlerini talil etti.
Hususan, Sahte malümatqa qarşılıq merkeziniñ malümatına köre, "Birinciler areketi" balalarnı ideologik terbiye etmek ve Ukrayinağa qarşı cenk ve nefret teşviqatı içün qullanıla. Aynı zamanda Milliy muqavemet merkezi añlattı ki, böyle tedbirler sayesinde işğalciler aliy oquv yurtunıñ talebelerini Rusiye ordusınıñ bölüklerinde hızmet etmek içün azırlaylar.
Ukrayina prezidentiniñ Qırım Muhtar Cumhuriyetindeki temsilciliginiñ bildirgenine köre, işğal etilgen Qırımda Rusiye akimiyeti bala lagerlerini teşviqat, balalar ve gençlerge tesir etüv aleti olaraq qullana. Bu yaz yarımadada Rusiye Federatsiyasında "halqlarnıñ birligi yılı" çerçivesinde "milliy medeniyet ve ananeler"ge bağışlanğan eñ az dört tematik deñişüv keçirilecek.
Bundan da ğayrı, temsilcilik qayd etti ki, işğalciler zapt etilgen "Artek" merkezini teşviqat meydançığı olaraq qullanmağa devam eteler. Bu yerde "Balalar — barışıq içün" dünya balalar konferentsiyası keçirilecek.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
