İlk yaz ayınıñ 3-ne keçer gecesi ve tahminen saba saat 10:00-11:00ge qadar işğal etilgen Sevastopolda (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adda) bütün markalar yaqarlığını tek şeerniñ ayatını temin etken operativ hızmetler içün bereler. Aynı zamanda Qırımnıñ farqlı rayonlarında bir qaç kilometrlik maşina nevbetleri devam ete.
Şeer "gubernatorı" Mihail Razvojayev Telegramda bunı bildirdi.
Bundan evel o, serbest satışnı saat 14:00ten başlap ğayrıdan tikleyceklerini aytqan edi.
"Gece ve saba şeerniñ ayatını temin etken hızmetlerniñ çoqusını çalıştırıp oldıq. Şunıñ içün, saba saat 10-dan başlap, bizler "TES"niñ çoqusı yaqarlıq stantsiyasında aman-aman er türlü yaqarlıqnıñ serbest satıluvını açamız. Fiolent şossesindeki "TES" yaqarlıq stantsiyası saba saat 11:00-da açılacaq", — dep Razvojayev qayd etti.
O qoştı ki, bir maşna içün 20 litr sıñırlavı ve konteynerlerge satıluv sıñırlavı devam ete.
Aynı zamanda Qırım "başı" Sergey Aksönov yarımadadaki yaqarlıq qıtlığınen bağlı vaziyet "Putinniñ nezareti altında olğanı"nı bildirdi, o ise "bu mesele boyunca mütenasip müessiselerge vazifeler berdi".
"Yazıq ki, SVO şaraitinde bütün malümat açıq olamaz", — dep o ayttı.
Aksönovnıñ aytqanına köre, ilk yaznıñ 3-nde işğal etilgen Qırım Yaqarlıq ve energetika nazirliginiñ saytında er bir rayonda yaqarlıq noqtalarınıñ interaktiv haritası derc etilecek.
Aynı vaqıtta, ukrayin "Exilenova+" ve "Supernova+" Telegram kanallarınıñ bildirgenine köre, işğal etilgen Qırımda Rusiye turistleri içtimaiy ağlarda, yaqarlıq meselesi sebebinden yarımadadan evlerine qaytıp olamağanlarına şikâyet ete başladılar.
Qırımnıñ farqlı meskün yerlerinde bir qaç kilometrlik maşna nevbetleri körüne.
Hatırlatamıs ki, işğal etilgen Sevastopolda (Aqyarda) İlk yaz ayınıñ 2-nde ATANA ve TESlerde Aİ-92 ve Aİ-95 markaları benzinleri tek kuponlar vastasınen satıla. Aynı zamanda yarımadada saba maşinalardan benzin stantsiyalarına qadar kilometrler boyu nevbet qayd etile.
İşğalli Sevastopol (Aqyar) memuriyeti, ilk yaz ayınıñ 1-nde saba saat 8:00den başlap TES yaqarlıq stantsiyalarınıñ çoqusında bir maşnağa 20 litrge qadar sıñırlavnen yaqarlıq serbest satıluvınıñ ğayrıdan tiklenüvi aqqında bildirdi.
Faqat şu künü aqşam maalinde eñ büyük benzin noqtaları eali içün yaqarlıq kuponlarınıñ satılmasını toqtattı, dep "ATAN" şirketiniñ saytında aytıla.
Aynı zamanda mayısnıñ 30-nda Ukrayina prezidenti Volodımır Zelenskıy bildirdi ki, Ukrayinanıñ Azaq deñiziniñ yalısında Rusiye arbiy ve neft obyektlerine ücüm etmesi işğal etilgen Qırımda yaqarlıq buhranınıñ sebebi oldı.
Hususan, mayısnıñ 30-nda gece 412-nci Nemesis brigadası, işğal altındaki Feodosiyada (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) deñizde yerleşken neft terminalına ücüm etti. USQniñ İSQniñ komandanı Robert ("Madâr") Brovdi bunı bildirdi.
Ukrayina Silâlı quvetleriniñ Baş ştabınıñ malümatına köre, ilk yaz ayınıñ 2-de gece ukrayin arbiy hızmetçileri işğal etilgen Qırımda Vıdne şeerinde "Pantsir-S1" zenit raketa-top kompleksini urdılar, em de ilk yaz ayınıñ 1-de gece Mijvodne şeerinde bulunğan gemini urdı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
