İlk yaz ayınıñ 2-de gece işğal etilgen Qırımda ukrayin arbiy hızmetçileri Vıdne şeerinde "Pantsir-S1" zenit raketa-top kompleksini urdılar.
Ukrayina Silâlı quvetleriniñ Baş ştabı Facebookta bunı bildirdi.
Nazirlikniñ malümatına köre, ilk yaz ayınıñ 1-nde gece işğal etilgen Qırımnıñ Mijvodne meskün yerinde işğalcilerniñ gemisi zarar kördi.
"İlk malümatqa köre, bu bir mıqnatissizlendirme gemisidir. Neticeleri daa aydınlatıla", — dep haberde qayd etildi.
Hatırlatamız ki, ilk yaz ayınıñ 2-de gece işğal etilgen Qırımdaki Canköy, Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), "Qaçı", "Belbek" ve "Ğvardiyske" ava limanları rayonlarında patlavlar oldı. Bundan evel, Canköyde arbiy eşelon ve demiryol stantsiyasındaki yolcu trenine zarar ketirildi. O, yolcularnı qabul etmek ve çıqmaq içün qapatıldı.
Aynı zamanda mayısnıñ 30-nda Ukrayina prezidenti Volodımır Zelenskıy bildirdi ki, Ukrayinanıñ Azaq deñiziniñ yalısında Rusiye arbiy ve neft obyektlerine ücüm etmesi işğal etilgen Qırımda yaqarlıq buhranınıñ sebebi oldı.
Hususan, mayısnıñ 30-nda gece 412-nci Nemesis brigadası, işğal altındaki Feodosiyada (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad de) deñizde yerleşken neft terminalına ücüm etti. USQniñ İSQniñ komandanı Robert ("Madâr") Brovdi bunı bildirdi.
Mayıs ayında işğal etilgen Qırımda eñ az 18 kün ve gece devamında patlavlar, uçucısız uçaq aletleriniñ ücümleri ve Rusiye arbiy obyektlerine ücümler qayd etildi. Ukrayina mudafaa quvetleri Rusiye ordusınıñ raketa kompleksleri, radiolokatsiya stantsiyaları, silâ anbarları, AMS, ava limanı astyapısı, neft bazaları ve logistika bölükleriniñ zarar körgenini bildirdi.
Ay soñunda ücümlerniñ neticesinde yarımadada benzin qıtlığı peyda oldı ve satıluv sıñırlavları kirsetildi. Mayıs ayında yarımadada yüz bergen felâketlerniñ hronologiyasını Suspilne Qırım maqalesinde oquñız.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
