Gece 412-nci Nemesis brigadası, USQ pilotsız sistemalarınıñ küçü, Kefede deñizde yerleşken neft terminalına ücüm etti.
Qural aynıñ 30-nda Facebookta USQ PSK komandanı Robert ("Madâr") Brovdi bu aqqında haber etti.
"Qural aynıñ 30-na qarşı gecesinde ateş açıldı. Ukrayinanıñ PSK quşuçısı bir gece devamında 23 arbiy maqsatnı ve obyektni duşmannıñ ameliy terenliginde yoq etti. "Neftçi" de istisna degil edi. "İskander" ve eki Tu-142 uçağından ğayrı, bugün çeşit maqsatlar bar: Kefe (Feodosiya), Qırım Muhtar Cumhuriyeti, Taganrog neft bazası, "Kurgannaftoprodukt" neft bazası, Taganrog", — dep haberde aytıla.
"Terminal, Qırım yarımadası ve Ukrayinanıñ cenübinde vaqtınca işğal etilgen topraqlarğa deñiz yolunen yaqıt ve yağ malzemeleriniñ ketirüv noqtalarından biri ola. "Obyektniñ territoriyasında yanğın çıqtı", — dep USQ PSKniñ matbuat hızmeti qoştı.
İşğalciler işğal altındaki Kefede (Feodosiyada) neft bazası yanında Keriç yolunıñ bir qısmını qapatqanlar.
"Qırım veter" nezaret kanalı Qara deñizge çıqqan neft mahsulatı aqqında bildire.
Qural aynıñ 30-nda saba Feodosiya (Kefe) neft bazasına ücüm aqqında bloger ve mudafaa naziriniñ mesleatçısı Sergey Sternenko Telegramda haber etti. Bundan ğayrı, "Qırım veter" nezaret resursı uydu malümatına esaslanıp, patlavlardan soñ bu obyektte yanğın aqqında haber etken edi.
"Eki küçlü yanğın merkezi qayd etile, abunecilerimiz 03:20 ve 03:33 saatlerinde kelgen eki uçuş aqqında haber ettiler. Tüsinik tübü yelnen deñizge doğru 9,5 kilometrge uzandı", — dep menba yazdı.
Читати ще
Telegram, WhatsApp, Facebook, TikTok ve YouTubede Suspilne Qırım haberlerine abune oluñı
