İlk yaz ayınıñ 2-de gece Qırımda patlavlar oldı: Canköydeki demiryolda yanğın çıqtı

İlk yaz ayınıñ 2-de gece işğal etilgen Qırımdaki Canköy, Sevastopol (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad), "Qaçı", "Belbek" ve "Ğvardiyske" ava limanları rayonlarında patlavlar oldı. Bundan evel, Canköyde arbiy eşelon ve demiryol stantsiyasındaki yolcu trenine zarar ketirildi. O, yolcularnı qabul etmek ve çıqmaq içün qapatıldı.

RF Mudafaa nazirliginiñ bildirgenine köre, bir gece içinde Rusiye ava mudafaası sisteması 148 dronnı urdı, şu cümleden Qırımda ve Qara ve Azaq deñizleri üzerinde.

İşğalli Sevastopol (Aqyar) gubernatorı Mihail Razvojayev iddia ete ki, Balıqlava rayonında eki dron tüşürildi. Bundan ğayrı, o, şeerde saat 01:18 — 02:18 ve 04:45 — 06:49 arasında ava telükesini ilân etti.

Aynı zamanda Canköy demiryol stantsiyasını yolcular içün qapattılar. Trenler şeer yanından deñiştirilgen marşrutqa qatnay, dep "Grand Service Express" demiryol operatorı bildirdi.

"Canköyde trenlerge minmege planlaştırğan yolcularnı biletlerinde qayd etilgen vaqıttan bir buçuq saat evel Canköy stantsiyasına kelmege rica etemiz. O yerden sizni avtobusnen Urojayna stantsiyasına alıp ketecekler, anda ise trenlerge minersiñiz. Bundan da ğayrı, siz öz başına Urojayna stantsiyasına (Canköyden çıqış vaqtından 30 daqqa evel) kelip, trenge minmek ya da Canköyden soñ stantsiyalarda trenniñ marşrutına köre mine bilirsiñiz", — dep haberde qayd etildi.

Bundan da ğayrı, bu stantsiyağa kelip çıqqanlar Urojayna stantsiyasına qadar trennen keteler, andan ise avtobuslarnen Canköyge alıp keteler.

Saat 8:00-da "Tavriya" trenleri Qırımğa ve Rusiyege keç kete.

"Tehnikiy sebeplerden 078 nomeralı Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad — terciman) — Sankt-Peterburg treni, ilk yaz ayınıñ 1-de çıqıp, Canköy — Sankt-Peterburg qısmında lâğu etile. Yolcular pasportnı satın alğan yerinden tam fiyatına ala bileler ya da 174 nomeralı Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad — terciman) — Moskva trenine keçe bileler", - dep aytıla haberde.

Aynı vaqıtta yerli sakinler "Qırım yeli" Telegram kanalına bildirdiler ki, saat 23:00 arbiy eşelon dronlarnıñ ucumına oğradı. Bundan evel, parçalar çığırlarda turğan yolcu trenine de zarar ketirgen edi. O vaqıt, cedvelge köre, anda "Simferopol — Sankt-Peterburg" treni buluna bile edi.

Rusiye matbuatında yazılğanı kibi, uçucısız uçaq aletleriniñ ücümleri neticesinde Canköyde benzin vagonları yandı, dep "Qırım yeli" haber berdi.

"Bugün gece işğal etilgen Canköyde ücüm etici UUA demiryol astyapısına ücüm etti. Obyektke ücümden soñ yanğın çıqtı, memuriy bina bütünley yoq etildi, diger obyektler de yahşıca zarar kördi", — dep "Exilenova+" ukrayin monitoring Telegram kanalı yazdı.

Bundan ğayrı, saba patlavlar "Qaçı", "Belbek" ve "Ğvardiyske" ava limanlarında eşitildi, dep "Qırım yeli" yazdı.

Aynı zamanda mayısnıñ 30-nda Ukrayina prezidenti Volodımır Zelenskıy bildirdi ki, Ukrayinanıñ Azaq deñiziniñ yalısında Rusiye arbiy ve neft obyektlerine ücüm etmesi işğal etilgen Qırımda yaqarlıq buhranınıñ sebebi oldı.

Hususan, mayısnıñ 30-nda gece 412-nci Nemesis brigadası, işğal altındaki Feodosiyada (KefeRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adde) deñizde yerleşken neft terminalına ücüm etti. USQniñ İSQniñ komandanı Robert ("Madâr") Brovdi bunı bildirdi.

Mayıs ayında işğal etilgen Qırımda eñ az 18 kün ve gece devamında patlavlar, uçucısız uçaq aletleriniñ ücümleri ve Rusiye arbiy obyektlerine ücümler qayd etildi. Ukrayina mudafaa quvetleri Rusiye ordusınıñ raketa kompleksleri, radiolokatsiya stantsiyaları, silâ anbarları, AMS, ava limanı astyapısı, neft bazaları ve logistika bölükleriniñ zarar körgenini bildirdi.

Ay soñunda ücümlerniñ neticesinde yarımadada benzin qıtlığı peyda oldı ve satıluv sıñırlavları kirsetildi. Mayıs ayında yarımadada yüz bergen felâketlerniñ hronologiyasını Suspilne Qırım maqalesinde oquñız.

Читати ще