İşğal etilgen Simferopolda (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki adte) ruslar yarımadada turizm tarihı aqqında foto sergisini taqdim ettiler. İşğalciler öz teşviqat metinlerinde Qırımnıñ Rusiye imperiyası tarafından işğal etilgen soñki tarihına diqqat ayırdılar, qırımtatarlar aqqında söz yürsetilmey edi.
"Qırım parlamenti"niñ işğalli reisi Vladimir Konstantinov ekspozitsiyanıñ açılışı aqqında Telegramda yazdı.
"Qırımda turizm devriniñ başlanuvı 1787 senesi qara qış ayınıñ 2-si sayıla. Tam o vaqıt İmparatoriçe II Katerina Sankt-Peterburgdan Qırımğa yol aldı. Bu ziyaretten soñ yarımadağa Rusiye ve çetel memleketlerinden kelgen turistlerniñ sayısı arta, şu cümleden icadiy ziyalılar da. Daa soñra naqliyat astyapısı inkişaf etip başladı, kurort obyektleri, şifahane, çamur tedaviyleme ve yuvunma salonları peyda oldı. XIX asırnıñ soñunda musafirler içün ekskursiyanı, o devirde akkreditatsiyadan keçken rehberler alıp bara ediler. Sovet akimiyeti kelgeninen Qırım bala raatlığı beşigine çevirildi, işte mında balalarnı sağlamlaştıruv medeniyeti peyda oldı. Bunen beraber — işçilerniñ kütleviy şifahane raatlanması içün şarait yaratıldı", — dep Konstantinov yazdı.
İşğalciler öz kitapçalarında, yarımada Rusiye tarafından işğal etilmeden evel, Qırımnı ziyaret etken seyahatçılar diplomat, tuccar ya da musulman ve hristian ibadethanelerine yol alğan hac olaraq qayd etmeyler.
Hatırlatamız ki, işğal etilgen Qırımda ruslar teşviqat saasını kenişleteler ve litsenziyalı tur rehberlerine basqı yapalar. Bu seneden başlap, işğalli "kurort ve turizm nazirligi" yerli rehberler arasında yarımadanıñ tarihını aydınlatmaq içün muayyen tevsiyelerni kirsete. Olarnıñ arasında — başqa halqlarnıñ, hususan qırımtatarlarnıñ, rolüni azlaştırmaq, "Ruslar Qırımğa ilerilevni qadimiy zamanlardan ketirgeni"ni qayd etmek.
Qırım.Aqiqat ile anonim şekilde laf etken bir memleketşınasnıñ qayd etkenine köre, bu vaziyet Rusiye tarafından qırımtatar halqınıñ Qırımda assimilâtsiya etilmesinen bağlı olğan añlamğa uyğundır.
"Qırımtatarlarğa ana tilini ögrenüv sistemasından alıp taşlap, usulnen ana tilini qullanmaq aqqından marum eteler, şimdi ise qırımtatarlarnıñ Qırımnıñ medeniy-tarihiy mirasına qoşqan issesini ekskursiya saası sayesinde de yoq eteler. Yani, ekskursiyalarda olğan mektep talebeleri, diger bölgelerden kelgen turistlerge Qırımnıñ "eski rus toprağı" olğanını, qırımtatarlarnıñ ise yalıñız bir milliy azlıq olğanını añlatalar", — dep memleketşınas qayd etti.
Bundan ğayrı, işğalciler Ukrayinağa qarşı cenk iştirakçileri içün Simferopol (AqmescitRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) boyunca turistik yolçıqnı bastırdılar. Elektron variantında Yevpatoriya (KezlevRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad) ve Sudaq turistik yolcuları azırlandı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñı
