İşğalciler Qırımnıñ arbiyleştirilüvini devam ete: Ukrayinağa qarşı cenk iştirakçileri içün Aqmescit turistik yolçığı çıqarıldı. Elektron variantında Yevpatoriya ve Sudaq boyunca yolcular da azırlandı.
Qırımnıñ işğalci yolbaşçısı Sergey Aksönov bu aqqında bildirdi.
"Leyhanı "Mıy biznes" merkeziniñ "Ekskursiya reberleri mektebiniñ" mezunları Qırım Cumhuriyetiniñ inkişaf korporatsiyası ve "Vatan imayecileri" Devlet fondunıñ cumhuriyet filialı ile beraber azırladılar", — dep haberde aytıla.
Aksönovnıñ aytqanına köre, Rusiye arbiyleri içün 100-den ziyade ekskursiya teşkil etildi.
Hatırlatamız, Ukrayinağa qarşı cenkleşken Rusiye arbiyleri içün Qırımnıñ işğalci akimiyeti işğal etilgen Aqyarda mesken qurucılığı içün 97 topraq damartısını ayırdı.
Pirogovka ve Osipenko köyleriniñ rayonlarında eki yañı kvartal peyda ola.
2025 senesi ilk küz ayında Aqyarnıñ işğalci "gubernatorı" Razvojayev Telegramda bu aqqında bildirdi.
Qırımtatar resurs merkezi bildirgenine köre, işğal etilgen Qırımda "SVO" iştirakçileri statusını qullanıp, yerli sakinlerden ayrı munasebet ve ayrı imtiyazlar talap eteler.
QRM malümatına köre, böyle şahıslar nevbetten tış ya da bedava hızmetke, hususan STO-ğa, israr ete ve farqlı turmuş vaziyetlerinde olarğa qol tutmağa talap ete. Redd etilse, olar sıq-sıq bağlarını qorquzıp, areketlerini cenkte "qaraman" olğanları ile aqlaylar. Bu sebepten Qırımnıñ vatandaşları "SVO iştirakçileri" ile zıddiyetlerden qaçınmağa tırışalar.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
