Qırımnıñ işğalci akimiyeti qural ay 9 kününi propaganda ve balalarnıñ arbiyleştirilüvi aletine çevirmege devam ete. Meselâ, Keriçte №5 bala bağçasında "Ğalebe paradı" teşkil etildi, Aqmescitte mektep talebeleri uçaqlarnı idare etüv yarışlarına qoşuldı. Böyle tedbirler diger şeerlerde de keçti, balalarnıñ añlarında cenk bayramı kibi körünsin dep.
Qırım aq qorçalayıcı gruppası bu aqqında bildire.
Böylece, Keriçniñ bala bağçasında "Ğalebe paradı" vaqtında balalar deñizciler, sıñırcılar, uçucılar ve ekimler olaraq çıqışta bulundı, balalarnıñ "Ölümsiz polku" ise ana-babalar, terbiyeciler ve musafirlernen beraber bağça territoriyasından keçti. Bayramnı Qırımdaki Rusiye Fevqulâde vaziyetler nazirliginiñ işğalci idaresiniñ "ofitseri" qabul etti.
Bundan ğayrı, Aqyarda (SevastopoldaRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki ad ) yerli neşirlerde "ukrayin musafirleri" tarafından teşkil etilgen "vatanperver fleşmobı" aqqında haber etildi. Büyükler ve balalar büyük Rusiye bayrağını köterdiler, "Ğalebe künü hayırlı olsun" ve "Hatırlaymız!" şiarlarını seslendirdiler.
İnkerman şeerinde er yıl "Soñki ğalebe qazanğanlar" turnirinde qol uruşları keçirile edi. İşğalciler onı "vatanperverlik ve sport tedbiri" olaraq adlandıralar, genç sportçılar ve ana-babaları iştirak etti.
Bundan da ğayrı, Aqmescitte (Simferopolda) mektep talebeleri muntazam sürette keçirilgen uçaqlarnı idare etüv yarışlarına qoşuldı. Bu sefer yüzlernen bala iştirak etti.
Uquq qoruyıcı İrına Sedova qayd ete ki, böyle tedbirler balalarnıñ añında cenkni bayramnen bağlay, barışıq qıymetlerini yoq ete ve balalarnı işğalcilerniñ ordusında hızmet etmege azırlay.
Sedovanıñ aytqanına köre, Ekinci Cian cenkiniñ arhetipleri ile spekulatsiya, ruslarnı "ğalebe qazanğan qaramanlar" ve ukrainlerni "duşman" olaraq köstermek içün qullanıla.
"Böyle bir mefküre balalar aqlına mektepten evel aşılana, böyle yaşta arbiy areketlerde iştirak etüv olarnıñ ruhiyatına menfiy tesir ete, barışıqqa ürmet etüv umumhalq qıymetlerini boza ve balalarda cenkke ve silâ qullanuvına müsbet munasebetni qabul ete. . . . İşğalci akimiyet ve oña bağlı olğan militarist gruppalarnıñ böyle areketleri qabul etilmey. Bütün bu vaqialar, bu kibi areketlerde iştirak etken er kesni mesüliyetke çekmek maqsadınen diqqatnen qayd etilmeli", — o dedi.
Hatırlatamız, Milliy tirenüv merkeziniñ malümatına köre, işğal etilgen Qırımda silâlı, atıcı ve uçurımsız uçaqnen azırlanğan yüzlerce kadet sınıfları çalışa. 210-dan ziyade "vatanperver" lageri ile bir ağ quruldı, tek 2024 senesiniñ yazında olarda tahminen 40 biñ bala keçti. Mekteplerni rus tasil standartlarına tolusınen keçireler ve ukrain tilini tasil esnasından çıqarıp taşlaylar.
Bundan evel adliyeci Katerına Raşevska "PRO Qırım. 2.0" jurnalistleri Svitlana Stetsenko ile işğal etilgen Qırımda balalarnıñ askeriyleştirilüviniñ kerçek adiselerini muzakere ettiler. Onıñ aytqanına köre, olarnı balalıqtan arbiy-vatanperver areketlerge celp eteler ve kimliklerini bozğan propagandağa oğratılalar. Aynı zamanda ukrayin balalarınıñ işğalden qaytması ğayet qıyın bir esnas olaraq qala.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
