Ukrayina Mudafaa quvetleri çiçek ayınıñ 16-na keçer gecesi "Bastion" yalı raketa kompleksine saip olğan Rusiye Qara deñiz flotunıñ işğal etilgen Sevastopoldaki (AqyarRusiye imperiyası ve Şuralar Birligi tarafından Qırımnıñ meskün yerleriniñ adlarını deñiştirüv islâatından evelki addaki) toplaşuv rayonına ücüm etti.
USQniñ Baş ştabı Facebookta bu aqqında haber etti.
"Rusiye Federatsiyası Qara deñiz flotunıñ 15-nci ayrı yalı raketa brigadasınıñ taktik gruppası (BRK "Bastion"), Sevastopol (Aqyar — terciman), VİE Qırım Muhtar Cumhuriyeti. Duşmannıñ zararları ögrenile. Ukrayina mudafaa quvetleri Rusiye işğalcileriniñ ücüm imkânlarını eksiltmek ve Rusiye Federatsiyasınıñ Ukrayinağa qarşı silâlı tecavuzını toqtatmaq içün tedbir almağa devam etecek", — dep Ukrayina mudafaa quvetleriniñ Baş ştabı bildirdi.
Hatırlatamız ki, çiçek ayınıñ 16-na keçer gecesi işğalciler işğal etilgen Sevastopol (Aqyar) ücüm etilgenini bildirdiler.
"Bu gece AMS quvetleri ve Qara deñiz flotunıñ quvetleri USQniñ silâlı quvetleriniñ ücümini kene de bastırdılar.Umumen 19 UUA tüşürildi. Sevastopolnıñ (Aqyarnıñ — terciman) qurtaruv hızmetiniñ malümatına köre, Balıqlava rayonında eki şahsiy evniñ pencereleri zarar kördi. Eñ esası — bir kimse zarar körmedi", — dep haberde qayd etildi.
Rusiye Mudafaa nazirligi işğal etilgen Qırım, Qara ve Azaq deñizleri ve Rusiye toprağınıñ üzerinde 207 dronnıñ "yok etilgeni" aqqında bildire.
Kiçik aynıñ 23-nde işğal etilgen Qırımda Mudafaa quvetleri Rusiye Federatsiyasınıñ Qara deñiz flotunıñ 15-inci ayrı yalı raketa brigadasınıñ raketa divizionınıñ toplaşuv rayonına zarar ketirgen edi. Maqsadlar qayd etildi, duşman zararları belgilene.
Ukrayina Mudafaa nazirliginiñ Baş istihbarat idaresi, olarnıñ insansız sistemalar quvtleriniñ askerleri saban ayınıñ 24-nde gece işğal etilgen Qırımda, Aqtaçı meskün yeri civarında, "Tsirkon" gipersonik raketalarınıñ uçuruv qurulışını tapıp yoq etkenleri aqqında video yayınlandı. Yedi Rusiye askeri elâk oldı ve yaralandı. Bİİ qayd etti ki, RF Silâlı quvetleri "Bastion" kompleksinden "Tsirkon" raketalarını esasen Ukrauina, hususan cenübiy ve şarqiy vilâyetlerniñ ealisini qorquzmaq içün qullana.
Çiçek ayınıñ 8-de gece Ukrayina Mudafaa quvetleri Sofiyivka civarındaki Novoozerne rayonındaki radioelektron keşfiyat stantsiyasına ve "Bastion" yalı raketa kompleksiniñ mevam rayonına ücüm etti.
Daa evel Suspilne Qırım "Ukrayina üzerinde hipersonik "Tsirkon"lar: ne içün Qırım uçuruv meydançığı oldı" maqalesinde Rusiye 2014 senesinden soñ işğal etilgen Qırımda "Bastion" komplekslerini yerleştirgenini ve Ukrayinağa "Oniks" ve "Tsirkon" raketalarını uçurğanını tarif etti.
"Bastion" kompleksleri — mobil yalı qurulışlarıdır. Arbiy mütehassıs Pavlo Lakiyçuknıñ aytqanına köre, bu kompleksler 2014 senesinden soñ yarımadağa avuştırıldı.
"2014 senesinden soñ, 2015 senesi, Tuapseden bu silânı Qırımğa avuştırmaq meselesi bile yoq edi. Amma o, 2022 senesine qadar öz vaqtını bekley edi", — dep o añlattı.
Başta Bastionlar Tarhan Qut burnunda yerleştirildi, anda olarnı Rusiye AMS qorçalağan edi. Amma soñra ukrayin quvetleri bu sistemalarnı boza başladı.
"O, zenit-raketa kompleksleri tarafından qorçalanğan edi. Amma soñra ücüm maqsadı oldı. Bizimkiler S-300ni, soñra S-400ni yoq ettiler. Soñra ilk sefer "Tsirkon"ğa, Bastion kompleksiniñ arbiy maşinalarına ücüm ettiler. Bu qararğa kelip, Qırımnıñ şimalinde yerleşmege qarar aldılar", — dep Lâkiyçuk añlattı.
Saban ayınıñ soñunda ukrayin uçucısız uçaq aletleri Qırımda "Bastion"lar kolonnasına ücüm etti — bir qurulışnı yoq etti, digerini zararlandırdı.
Telegram, WhatsApp, Facebook, TikTok ve YouTubede Suspilne Qırım haberlerine abune oluñız
